താരം ഉറുഗ്വായ് ക്യാമ്പില്‍ പരിശീലനം നടത്തുമ്പോഴുള്ള ഒരു വീഡിയോ പ്രചരിച്ചതിന് പിന്നാലെയാണ് ആരാധകര്‍ ഡാര്‍വിനെതിരെ രംഗത്തെത്തിയിരിക്കുന്നത്.
ക്വാമെ ബെനിയ എന്ന സ്പോര്ട്സ് ജേര്‍ണലിസ്റ്റ് താരത്തിന്റെ ഒരു വീഡിയോ ട്വിറ്ററിലൂടെ പങ്കുവെച്ചതോടെയാണ് ആരാധകര്‍ കലിപ്പായത്. ഉറുഗ്വായന്‍ ക്യാമ്പില്‍ തന്റെ സഹതാരത്തെ ടാക്കിള്‍ ചെയ്ത് പന്തെടുക്കുന്ന ഡാര്‍വിന്റെ വീഡിയോ ആണ് ബെനിയ പങ്കുവെച്ചത്.
മോഡേണ്‍ ഡേ ഫുട്‌ബോളിലെ ചെറിയ തെറ്റുകള്‍ പോലും ആരാധകരുടെ ഭാഗത്ത് നിന്നും വിമര്‍ശനങ്ങള്‍ ഉണ്ടാക്കാറുണ്ട്. ഈ സാഹചര്യത്തില്‍ കൂടിയാണ് താരത്തിന്റെ ഭാഗത്ത് നിന്നും ഗുരുതരമായ ഇത്തരമൊരു പിഴവ് സംഭവിച്ചതാണ് വിമര്‍ശനങ്ങള്‍ക്കിടയാക്കിയത്.
രൂക്ഷമായ ഭാഷയില്‍ താരത്തിനെതിരെ പരസ്യവിമര്‍ശനമുന്നയിച്ച് രംഗത്തെത്തിയിരിക്കുകയാണ് ആരാധകര്‍.
താന്‍ കണ്ടതില്‍ വെച്ച് ഏറ്റവും മോശം ഫുട്‌ബോളര്‍ ഇവനാണെന്നും ഇതുപോലുള്ള കളികള്‍ ലിവര്‍പൂള്‍ മാനേജര്‍ യര്‍ഗന്‍ ക്ലോപ്പ് ആണോ പഠിപ്പിക്കുന്നത് തുടങ്ങിയ വിമര്‍ശനങ്ങളാണ് താരത്തിനെതിരെ ഉയരുന്നത്.
അതേസമയം, വരാനിരിക്കുന്ന ലോകകപ്പില്‍ ഗ്രൂപ്പ് എച്ചിലാണ് ഉറുഗ്വായ്. പോര്‍ച്ചുഗല്‍, ഘാന, നോര്‍ത്ത് കൊറിയ എന്നിവരാണ് ഗ്രൂപ്പ് എച്ചില്‍ ഉറുഗ്വായ്‌ക്കൊപ്പമുള്ളത്.
Content Highlight: Fans against Liverpool forward Darwin Nunez
