കഴിഞ്ഞ ദിവസമായിരുന്നു ഇംഗ്ലണ്ടിനെതിരെയുള്ള ടി-20 പരമ്പരയ്ക്കുള്ള ഇന്ത്യന്‍ സ്‌ക്വാഡ് പ്രഖ്യാപിച്ചത്. മൂന്ന് ടി-20 മത്സരങ്ങള്‍ക്കായി രണ്ട് വ്യത്യസ്ത സ്‌ക്വാഡുകളെയാണ് ബി.സി.സി.ഐ പ്രഖ്യാപിച്ചിരിക്കുന്നത്.
അയര്‍ലന്‍ഡിനെതിരെ നടന്ന സ്‌ക്വാഡിലേക്ക് രോഹിത് ശര്‍മയെ ഉള്‍പ്പെടുത്തിയതാണ് ആദ്യ മത്സരത്തിനുള്ള സ്‌ക്വാഡ് സജ്ജമാക്കിയിട്ടുള്ളത്. സഞ്ജു സാംസണ്‍, ഋതുരാജ് ഗെയ്ക്വാദ്, രാഹുല്‍ ത്രിപാഠി, വെങ്കിടേഷ് അയ്യര്‍ തുടങ്ങിയ താരങ്ങളാണ് ആദ്യ മത്സരത്തിനുള്ള സ്‌ക്വാഡിന്റെ പ്രധാന ഹൈലൈറ്റ്.
എന്നാല്‍, പ്രോട്ടീസ് – ഐറിഷ് പരമ്പരയില്‍ നിന്നും വിട്ടുനിന്ന മാര്‍ക്വി താരങ്ങള്‍ എത്തിയതോടെ ഇവരെല്ലാം ലൈംലൈറ്റില്‍ നിന്നും പുറത്തായിരിക്കുകയാണ്. വിരാട് കോഹ്‌ലി, ജസ്പ്രീത് ബുംറ തുടങ്ങിയ താരങ്ങള്‍ എത്തിയതോടെ സഞ്ജുവും മറ്റുള്ളവരും സ്‌ക്വാഡില്‍ നിന്നും അപ്രത്യക്ഷരായിരിക്കുകയാണ്.
സാധാരണയായി മലയാളികളാണ് സഞ്ജുവിന് വേണ്ടി വാദിക്കാനും ‘നോര്‍ത്ത് ഇന്ത്യന്‍ ലോബി’യെ തെറി പറയാനും മുമ്പിലുണ്ടാവാറുള്ളത് എങ്കില്‍ ഇത്തവണ ക്രിക്കറ്റ് ആരാധകര്‍ ഒന്നടങ്കം സഞ്ജുവിനായി എത്തിയിട്ടുണ്ട്.
ബി.സി.സി.ഐയുടെ നാറിയ പൊളിറ്റിക്‌സിന്റെ ഇരയാണ് സഞ്ജുവെന്നും ഇന്ത്യന്‍ ക്രിക്കറ്റ് സഞ്ജുവിനോട് കാണിക്കുന്നത് അനീതിയാണെന്നുമാണ് ക്രിക്കറ്റ് ആരാധകര്‍ പറയുന്നത്.
ഒരാള്‍ ഇത്തിരികൂടി കടന്ന്, ‘സഞ്ജു ഇന്ത്യന്‍ ക്രിക്കറ്റില്‍ നിന്നും വിരമിച്ച് ഓസീസിനോ ഇംഗ്ലണ്ടിനോ വേണ്ടി കളിക്കണ’മെന്നായിരുന്നു പറഞ്ഞത്.
Sanju Samson should take Retirement from International Cricket 🥹
ഇംഗ്ലണ്ടിനെതിരെയുള്ള ടെസ്റ്റ് മത്സരം കഴിഞ്ഞ് ഉടനെ ടി-20 പരമ്പരയും വരുന്നതിനാലാണ് ഇന്ത്യ ഇത്തരത്തില്‍ രണ്ട് ടീമിനേയും പ്രഖ്യാപിച്ചത്. രണ്ട് സ്‌ക്വാഡിനെ പ്രഖ്യാപിച്ചതല്ല, മറിച്ച് എല്ലാ മത്സരത്തിലും സഞ്ജുവിനെ കളിപ്പിക്കാത്തതാണ് വിമര്‍ശനങ്ങള്‍ക്ക് വഴിയൊരുക്കിയിരിക്കുന്നത്.
No wonder Sanju Samson has so many fans, bcci has made the entire country his fan with their injustice.
Scored 77 in the only chance he got in comeback,still a 48 match failure rishabh pant is playing over him.
Scored 46 in the only odi he played,never got another odi. pic.twitter.com/ZTFK6SIhaI
Everybody is fan of South Movies
There is a player Sanju Samson Cricket SSR he is also from South like Bollywood nepotism is at the peak in Indian cricket come forward and support him too feel hor him #SanjuSamson#JusticeForSanjuSamsonpic.twitter.com/5ZWvCur5ay
The Indian team is an Upper Cate Bastion. The only explanation why Sanju isn’t given chances and picked up frequently and being heavily criticised by so called experts is because he doesn’t belong to the high castes that ruled indian cricket for long. #JusticeForSanjuSamsonpic.twitter.com/nrK1EkY8jX
അയര്‍ലന്‍ഡിനെതിരെയുള്ള രണ്ടാം മത്സരത്തിലെ പ്രകടനമാണ് സഞ്ജുവിനെ ഇംഗ്ലണ്ടിനെതിരെയുള്ള സ്‌ക്വാഡിലെത്തിച്ചത്. 183.33 സ്ട്രൈക്ക് റേറ്റില്‍ 77 റണ്‍സാണ് സഞ്ജു അടിച്ചെടുത്തത്. ഇതിന് പുറമെ ടി-20യിലെ എക്കാലത്തേയും മികച്ച കൂട്ടുകെട്ടും ഇരുവരും ചേര്‍ന്ന് പടുത്തുയര്‍ത്തിയിരുന്നു.
