യുവേഫ നേഷന്‍സ് ലീഗില്‍ ഹംഗറിയോടേറ്റ തോല്‍വിക്ക് പിന്നാലെ ആഴ്‌സണലിന്റെ ഇംഗ്ലീഷ് സൂപ്പര്‍ താരം ബുക്കായോ സാക്കയ്‌ക്കെതിരെ ആരാധകരോഷം. സാക്കയോളം ഓവര്‍ റേറ്റഡായ ഒരു താരം ഇംഗ്ലണ്ടില്‍ ഉണ്ടായിട്ടില്ലെന്നും അവനെ ടീമില്‍ നിന്നും പുറത്താക്കണമെന്നുമാണ് ആരാധകര്‍ പറയുന്നത്.
4-0നായിരുന്നു ത്രീ ലയണ്‍സിന്റെ തോല്‍വി. തോല്‍വിയോടെ ഗ്രൂപ്പില്‍ അവസാന സ്ഥാനക്കാരായിട്ടാണ് സൗത്ത്‌ഗേറ്റിന്റെ ഇംഗ്ലണ്ട് തലതാഴ്ത്തി നില്‍ക്കുന്നത്.
കഴിഞ്ഞ മത്സരത്തില്‍ സൗത്ത്‌ഗേറ്റിന്റെ ഏറ്റവും മികച്ച ടാക്ടിക്കല്‍ നീക്കം പരാജയപ്പെട്ടിരുന്നു. ആഴ്‌സണലിന്റെ ഫോര്‍വാര്‍ഡ് ബുക്കായോ സാക്കയെ ലെഫ്റ്റ് വിംഗില്‍ കളിപ്പിക്കുകയായിരുന്നു സൗത്ത്‌ഗേറ്റ്.
ഇരുവരുടെയും മോശം പ്രകടനത്തെ മുതലെടുത്ത് ആഴ്‌സണിലിനെ എയറില്‍ കേറ്റാനും ഇംഗ്ലണ്ട് ആരാധകര്‍ക്ക് പ്രത്യേക ആവേശമായിരുന്നു. ആഴ്‌സണലിന്റെ പാരമ്പര്യമാണ് ഇരുവരും കാണിച്ചതെന്നായിരുന്നു ഒരു ആരാധകന്റെ കമന്റ്.
This Ramsdale and Saka disaster class, Arsenal heritage
ഇറ്റലിക്കും ജര്‍മനിക്കുമൊപ്പം ഗ്രൂപ്പ് ത്രീയിലാണ് ഇംഗ്ലണ്ടും ഹംഗറിയും. നാല് മത്സരം കളിച്ച് രണ്ട് തോല്‍വിയും രണ്ട് സമനിലയുമടക്കം രണ്ട് പോയിന്റുമായി ഗ്രൂപ്പില്‍ അവസാന സ്ഥാനക്കാരാണ് ഇംഗ്ലണ്ട്.
