ഷെയ്ന്‍ വോണ്‍ മരിച്ചതല്ലേ, ഇനിയെങ്കിലും അദ്ദേഹത്തെ വെറുതെ വിട്ടുകൂടെ; ബ്രോഡ്കാസ്റ്റിങ് ചാനലുകള്‍ക്കെതിരെ ആരാധകരോഷം
സ്പോര്ട്സ് ഡെസ്‌ക്
Saturday, 25th June 2022, 9:18 pm
2022 മാര്‍ച്ചില്‍ സ്പിന്‍ ഇതിഹാസം ഷെയന്‍ വോണിന്റെ അകാലവിയോഗം ക്രിക്കറ്റ് ലോകത്തെ ഒന്നാകെ ഞെട്ടിച്ചിരുന്നു. മാര്‍ച്ച് നാലിന് തന്റെ 52ാം വയസിലാണ് അദ്ദേഹം ക്രിക്കറ്റിനോട് എന്നെന്നേക്കുമായി വിട പറഞ്ഞത്.
ലോകം കണ്ട എക്കാലത്തേയും സ്പിന്നറായ അദ്ദേഹത്തിന് ആദരാഞ്ജലിയര്‍പ്പിക്കാന്‍ ലോകത്തിന്റെ വിവിധ കോണുകളില്‍ നിന്നും ആളുകള്‍ മെല്‍ബണിലെത്തിയിരുന്നു. മെല്‍ബണ്‍ ക്രിക്കറ്റ് ഗ്രൗണ്ടില്‍ നടന്ന അനുസ്മരണ ചടങ്ങില്‍ ലക്ഷക്കണക്കിന് ആളുകളാണ് പങ്കെടുത്തത്.
അദ്ദേഹത്തോടുള്ള ആദരസൂചകമായി രാജസ്ഥാന്‍ റോയല്‍സും രംഗത്തെത്തിയിരുന്നു. മത്സരം തന്നെ അദ്ദേഹത്തിനായി സമര്‍പ്പിച്ചുകൊണ്ടായിരുന്നു രാജസ്ഥാന്‍ തങ്ങളുടെ മുന്‍ നായകന് ആദരാഞ്ജലികള്‍ അര്‍പ്പിച്ചത്. അദ്ദേഹത്തിനായി ഐ.പി.എല്‍ കിരീടം നേടാന്‍ സാധിച്ചില്ലെങ്കിലും മികച്ച പ്രകടനമാണ് രാജസ്ഥാന്‍ നടത്തിയിരുന്നത്.
