വാരിയന്‍കുന്നത്തിന്റെ പേരില്‍ പ്രസിദ്ധീകരിക്കപ്പെടുന്നത് വ്യാജ ചിത്രം; വിക്കിപീഡിയയിലും തെറ്റായ ചിത്രം
ഡൂള്‍ന്യൂസ് ഡെസ്‌ക്
Tuesday, 24th August 2021, 12:01 pm
കോഴിക്കോട്: മലബാര്‍ സമര നായകന്‍ വാരിയന്‍കുന്നത്ത് കുഞ്ഞഹമ്മദ് ഹാജിയുടേതെന്ന പേരില്‍ പ്രചരിക്കുന്ന ഫോട്ടോ വ്യാജം.
കഴിഞ്ഞദിവസം പ്രമുഖ മാധ്യമങ്ങളിലടക്കം വാരിയന്‍കുന്നത്ത് കുഞ്ഞഹമ്മദ് ഹാജിയുടെതെന്ന പേരില്‍ കൊടുത്ത ചിത്രം അദ്ദേഹത്തിന്റെ സഹപോരാളി ആലി മുസ്‌ലിയാരുടെ മകന്‍ അബ്ദുള്ളക്കുട്ടി മുസ്‌ലിയാരുടെ ചിത്രമായിരുന്നു.
വാരിയന്‍കുന്നത്ത് കുഞ്ഞഹമ്മദ് ഹാജിയുടെ ഫോട്ടോ എന്ന പേരില്‍ വിക്കിപീഡിയയില്‍ നല്‍കിയിരിക്കുന്ന ചിത്രവും തെറ്റാണ്. ഈ ചിത്രമാണ് പലരും വാരിയന്‍കുന്നത്തിന്റെതാണെന്ന പേരില്‍ പ്രചരിപ്പിക്കുന്നത്. വാരിയന്‍കുന്നത്തിന്റെ യഥാര്‍ത്ഥ ചിത്രം എവിടെയും ലഭ്യമല്ല.
