പഞ്ചായത്തില്‍ നിന്ന് ഭക്ഷണം ലഭിക്കാന്‍ പായിപ്പാട് മോഡല്‍ സമരമെന്ന് വാര്‍ത്ത; കെട്ടിട ഉടമയെ അറസ്റ്റ് ചെയ്ത് പൊലീസ്
ഡൂള്‍ന്യൂസ് ഡെസ്‌ക്
Friday, 3rd April 2020, 4:34 pm
കോട്ടയം: പായിപ്പാട് മോഡലില്‍ അതിഥി തൊഴിലാളികള്‍ സമരം നടത്തുമെന്ന് കാണിച്ച് വാര്‍ത്ത നല്‍കിയ കെട്ടിട ഉടമയെ പൊലീസ് അറസ്റ്റ് ചെയ്തു. ഏറ്റുമാനൂര്‍ പൊലീസാണ് ഒരു ഓണ്‍ലൈന്‍ ചാനല്‍ വഴി വാര്‍ത്ത നല്‍കിയ കെട്ടിട ഉടമയെ അറസ്റ്റ് ചെയ്തത്.
സ്വന്തം കെട്ടിടത്തില്‍ താമസിക്കുന്ന അതിഥി തൊഴിലാളികള്‍ക്ക് കെട്ടിടം ഉടമ ഭക്ഷണം നല്‍കണമെന്ന് സര്‍ക്കാര്‍ നിര്‍ദ്ദേശിച്ചിരുന്നു. എന്നാല്‍ ഇതിന് പകരം തദ്ദേശ സ്വയം ഭരണ സ്ഥാപനങ്ങളില്‍ നിന്നും അതിഥി തൊഴിലാളികള്‍ക്ക് ഭക്ഷണം ലഭിക്കാനാണ് ഇയാള്‍ ഇത്തരത്തില്‍ വാര്‍ത്ത നല്‍കിയതെന്ന് പൊലീസ് പറഞ്ഞതായി മനോരമ റിപ്പോര്‍ട്ട് ചെയ്തു.
നേരത്തെ ലോക്ക് ഡൗണ്‍ പ്രഖ്യാപനത്തിന് ശേഷം സംസ്ഥാനത്തെ അതിഥി തൊഴിലാളികളുടെ സുരക്ഷയുടെ കാര്യത്തിലും അവര്‍ക്കുള്ള ഭക്ഷണത്തിന്റെ കാര്യത്തിലും മുഖ്യമന്ത്രി വിവിധ നിര്‍ദ്ദേശങ്ങള്‍ പുറപ്പെടുവിച്ചിരുന്നു.
