ഫഹദില്‍ വിശ്വാസമര്‍പ്പിച്ച് മണ്‍സൂണ്‍ മാംഗോസ് വീണ്ടും തിയേറ്ററുകളിലേക്ക്; റീ-റിലീസ് മാര്‍ച്ചില്‍
എന്റര്‍ടെയിന്‍മെന്റ് ഡെസ്‌ക്
Wednesday, 26th February 2020, 8:20 pm
കൊച്ചി:ഫഹദ് ഫാസില്‍ നായകനായ മണ്‍സൂണ്‍ മാംഗോസ് വീണ്ടും തിയേറ്ററുകളിലെത്തുന്നു. ചാനല്‍ ഫൈവ് റിലീസ്, സ്നേഹ റിലീസ് എന്നിവര്‍ ചേര്‍ന്ന് മാര്‍ച്ച് 20 നാണ് ചിത്രം വീണ്ടും പ്രദര്‍ശനത്തിനെത്തിക്കുന്നത്.
ട്രാന്‍സ് അടക്കമുള്ള സിനിമകളിലെ ഫഹദിന്റെ അഭിനയം മികച്ച അഭിപ്രായം നേടിയിരുന്നു. ഈ അവസരത്തിലാണ് വേണ്ട വിധത്തില്‍ തിയേറ്ററുകളില്‍ സ്വീകരിക്കപ്പെടാതിരുന്ന മണ്‍സൂണ്‍ മാംഗോസ് വീണ്ടും തിയേറ്ററുകളില്‍ എത്തിക്കാന്‍ അണിയറ പ്രവര്‍ത്തകര്‍ തീരുമാനിച്ചത്.
‘അക്കരക്കാഴ്ചകള്‍’ എന്ന ജനപ്രിയ ടെലിവിഷന്‍ പരമ്പരയിലൂടെ ശ്രദ്ധേയനായ അബി വര്‍ഗീസ് ആണ് ചിത്രം സംവിധാനം ചെയ്തത്. സിനിമാ ഭ്രമം തലയ്ക്കു പിടിച്ച് ജോലി കളഞ്ഞ് സിനിമ പിടിക്കാനിറങ്ങിയ ദാവീദ് പള്ളിക്കല്‍ എന്ന കഥാപാത്രമായിട്ടായിരുന്നു ഫഹദ് ചിത്രത്തില്‍ എത്തിയത്.
