ഒരുക്കുന്നത് വാണിജ്യ സിനിമയല്ല; ഒരു മണിക്കൂര്‍ ഉള്ള ഡോക്യുമെന്ററി സ്വഭാവമുള്ള സിനിമ; പ്രൊഡ്യൂസേഴ്സ് അസോസിയേഷന് മറുപടിയുമായി ഫഹദ് ഫാസില്‍
എന്റര്‍ടെയിന്‍മെന്റ് ഡെസ്‌ക്
Saturday, 20th June 2020, 5:34 pm
കൊച്ചി: സംവിധായകന്‍ മഹേഷ് നാരായണനും ഫഹദ് ഫാസിലിനുമെതിരായ പ്രൊഡ്യൂസേഴ്സ് അസോസിയേഷന്റെ നിലപാടിനെതിരെ മറുപടിയുമായി നടനും നിര്‍മ്മാതാവുമായ ഫഹദ് ഫാസില്‍.
മഹേഷ് നാരായണന്‍ ഒരുക്കുന്നത് വാണിജ്യ സിനിമയല്ലെന്നും ഒരു മണിക്കൂര്‍ മാത്രം ദൈര്‍ഘ്യമുള്ള ഡോക്യുമെന്ററി സ്വഭാവത്തിലുള്ള സിനിമയാണെന്നും ഫഹദ് ഫാസില്‍ പറഞ്ഞു.
നേരത്തെ ഫഹദ് ഫാസില്‍ നിര്‍മ്മിച്ച് മഹേഷ് നാരായണന്‍ സംവിധാനം ചെയ്യുന്ന ചിത്രം നാളെ ചിത്രീകരണം ആരംഭിക്കുമെന്ന് റിപ്പോര്‍ട്ട് പുറത്തുവന്നിരുന്നു. ഇതിന് പിന്നാലെ പുതിയ സിനിമകള്‍ തുടങ്ങരുതെന്ന ചലച്ചിത്ര സംഘടനകളുടെ നിര്‍ദേര്‍ശം ലംഘിക്കുന്നവരോട് സഹകരിക്കില്ലെന്ന മുന്നറിയിപ്പുമായി പ്രൊഡ്യൂസേഴ്സ് അസോസിയേഷന് രംഗത്തെത്തി.
