ഫേസ്ബുക്കില്‍ ഇനി രാഷ്ട്രീയത്തിനും പിടി വീഴും; നിര്‍ണായക തീരുമാനവുമായി സുക്കര്‍ബെര്‍ഗ്
ഡൂള്‍ന്യൂസ് ഡെസ്‌ക്
Thursday, 28th January 2021, 9:03 am
ന്യൂയോര്‍ക്ക്: ന്യൂസ് ഫീഡില്‍ രാഷ്ട്രീയം നിറഞ്ഞ ഉള്ളടക്കങ്ങള്‍ കുറയ്ക്കാനുള്ള തീരുമാനവുമായി ഫേസ്ബുക്ക്. ആളുകള്‍ തമ്മിലുള്ള ഭിന്നതകള്‍ ഒഴിവാക്കുന്നതിന്റെ ഭാഗമായാണ് രാഷ്ട്രീയ പരമായ പോസ്റ്റുകളുടെയും മറ്റും റീച്ച് കുറയ്ക്കുന്നതെന്നും ഫേസ്ബുക്ക് മേധാവി മാര്‍ക്ക് സുക്കര്‍ബര്‍ഗ് വ്യക്തമാക്കി.
ഗ്രൂപ്പ് സജഷനുകളില്‍ നിന്ന് രാഷ്ട്രീയ ഗ്രൂപ്പുകളെ ഒഴിവാക്കുമെന്നും രാഷ്ട്രീയ ഭിന്നത പ്രചരിപ്പിക്കുന്ന ചര്‍ച്ചകള്‍ കുറയ്ക്കുമെന്നും സുക്കര്‍ ബെര്‍ഗ് വ്യക്തമാക്കി.
‘ഫേസ്ബുക്ക് ഉപയോക്താക്കളില്‍ നിന്നും ഞങ്ങള്‍ക്ക് കിട്ടുന്ന പ്രതികരണം അവര്‍ക്ക് രാഷ്ട്രീയം വേണ്ട എന്നതാണ്,’ സുക്കര്‍ബെര്‍ഗ് പറഞ്ഞു.
