ഫേസ്ബുക്ക് ഇന്ത്യ മേധാവി രാജിവെച്ചു
ഡൂള്‍ന്യൂസ് ഡെസ്‌ക്
Thursday, 3rd November 2022, 7:35 pm
ന്യൂദല്‍ഹി: ഫേസ്ബുക്ക് ഇന്ത്യ മേധാവി അജിത് മോഹന്‍ രാജിവെച്ചു. മെറ്റ പ്ലാറ്റ്‌ഫോംസ് തന്നെയാണ് വ്യാഴാഴ്ച ഇക്കാര്യം പുറത്തുവിട്ടത്.
ഫേസ്ബുക്കിന്റെ ‘എതിരാളികളായ’ സോഷ്യല്‍മീഡിയ പ്ലാറ്റ്‌ഫോം സ്‌നാപ്ചാറ്റിലേക്കായിരിക്കും അജിത് പോവുകയെന്നാണ് നിലവില്‍ ലഭ്യമാകുന്ന റിപ്പോര്‍ട്ടുകള്‍.
”മെറ്റ കമ്പനിക്ക് പുറത്ത് മറ്റൊരു അവസരം തേടുന്നതിനായി ഫേസ്ബുക്കിലെ തന്റെ റോളില്‍ നിന്ന് പിന്മാറാന്‍ അജിത് തീരുമാനിച്ചു,” മെറ്റ ഗ്ലോബല്‍ ബിസിനസ് ഗ്രൂപ്പിന്റെ വൈസ് പ്രസിഡന്റ് നിക്കോള മെന്‍ഡല്‍സണ്‍ (Nicola Mendelsohn) പ്രസ്താവനയില്‍ പറഞ്ഞു.
