വിശാഖപട്ടണത്ത് ഹിന്ദുസ്ഥാന്‍ പെട്രോളിയം പ്ലാന്റില്‍ പൊട്ടിത്തെറി
ഡൂള്‍ന്യൂസ് ഡെസ്‌ക്
Tuesday, 25th May 2021, 6:53 pm
ഹൈദരാബാദ്: ആന്ധ്രാപ്രദേശിലെ വിശാഖപട്ടണത്ത് ഹിന്ദുസ്ഥാന്‍ പെട്രോളിയം പ്ലാന്റില്‍ പൊട്ടിത്തെറി. എണ്ണശുദ്ധീകരണശാലയുടെ മൂന്നാം യൂണിറ്റിലാണ് തീപിടുത്തമുണ്ടായതിനെ തുടര്‍ന്ന് പൊട്ടിത്തെറി ഉണ്ടായത്.
ആളപായമില്ലെന്നാണ് സൂചന. നിലവില്‍ അഞ്ച് അഗ്‌നിശമന സേനാ യൂണിറ്റുകള്‍ സ്ഥലത്തെത്തി തീയണയ്ക്കാന്‍ ശ്രമിക്കുകയാണ്. തീപിടുത്തത്തിനുള്ള കാരണം വ്യക്തമായിട്ടില്ല.
അതേസമയം പ്ലാന്റിലെ തീ അണച്ചതായും ആളപായമില്ലെന്നും എല്ലാവരും സുരക്ഷിതരാണെന്നും ഹിന്ദുസ്ഥാന്‍ പെട്രോളിയം ട്വീറ്റ് ചെയ്തു.
തീപിടുത്തമുണ്ടായ ഉടന്‍ ജീവനക്കാരെ മുന്നറിയിപ്പ് മണി മുഴക്കി പുറത്തെത്തിച്ചിരുന്നു. വലിയ നാശനഷ്ടങ്ങള്‍ ഒഴിവാക്കിയാണ് തീ അണച്ചതെന്ന് വിശാഖപട്ടണം ജില്ലാ കളക്ടര്‍ വി. വിനയ് ചന്ദ് പറഞ്ഞു.
