ബെംഗളൂരു: ഓഡിയോ ടേപ്പ് വിവാദത്തിന് പിന്നാലെ ബി.ജെ.പിയില്‍ രാജി. ബെലഗാവി ജില്ലയില്‍ നിന്നുള്ള മുതിര്‍ന്ന ബി.ജെ.പി നേതാവും മുന്‍ എം.എല്‍.എയുമായ രാജു കാഗെയാണ് പാര്‍ട്ടി വിടാനൊരുങ്ങുന്നത്.
അയോഗ്യരാക്കപ്പെട്ട കോണ്‍ഗ്രസ്-ജെ.ഡി.എസ് എം.എല്‍.എമാര്‍ക്ക് വരുന്ന ഉപതെരഞ്ഞെടുപ്പില്‍ ബി.ജെ.പി സീറ്റ് നല്‍കുമെന്ന ഓഡിയോ ടേപ്പ് സംഭാഷണം പുറത്തുവന്നതിന് പിന്നാലെയാണ് ഇദ്ദേഹം രാജിക്കൊരുങ്ങുന്നത്.
ഡിസംബര്‍ 5 ന് നടക്കുന്ന ഉപതെരഞ്ഞെടുപ്പില്‍ ബി.ജെ.പിയുടെ സ്ഥാനാര്‍ത്ഥിയായി മത്സരിക്കേണ്ട വ്യക്തിയായിരുന്നു ഇദ്ദേഹം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
കഴിഞ്ഞ വര്‍ഷം നടന്ന നിയമസഭാ തെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥി ശ്രീമന്ത് പാട്ടീലിനോട് രാജു കാഗേ പരാജയപ്പെട്ടിരുന്നു.
ഒരു വര്‍ഷത്തിനിപ്പുറം പാട്ടീല്‍ കോണ്‍ഗ്രസില്‍ നിന്ന് രാജിവെക്കുകയും ബി.ജെ.പിക്കൊപ്പം ചേരുകയും ചെയ്തു. കഡ്ഗാവില്‍ നിന്ന് ഇദ്ദേഹത്തിന് ഇത്തവണ സ്ഥാനാര്‍ത്ഥിത്വം നല്‍കുമെന്നാണ് അറിയുന്നത്.
