ഞങ്ങളെ പ്രവേശിപ്പിച്ചെങ്കില്‍ എന്തുകൊണ്ട് അവര്‍ക്ക് അനുമതിയില്ല; കശ്മീര്‍ സന്ദര്‍ശത്തിന് പ്രതിപക്ഷത്തെ അനുവദിക്കണമെന്ന് യൂറോപ്യന്‍ എം.പി
ഡൂള്‍ന്യൂസ് ഡെസ്‌ക്
Wednesday, 30th October 2019, 2:19 pm
ന്യൂദല്‍ഹി: കശ്മീരില്‍ സന്ദര്‍ശനം നടത്താന്‍ പ്രതിപക്ഷത്തെയും അനുവദിക്കണമെന്ന് കേന്ദ്രത്തോട് യൂറോപ്യന്‍ പ്രതിനിധി സംഘത്തിലെ അംഗം. യൂറോപ്യന്‍ യൂണിയന്‍ എം.പി നിക്കോളാസ് ഫെസ്റ്റ് ആണ് കേന്ദ്രത്തോട് ആവശ്യമുന്നയിച്ചത്.
‘നിങ്ങള്‍ യൂറോപ്യന്‍ പാര്‍ലമെന്റ് അംഗങ്ങളെ കശ്മീര്‍ സന്ദര്‍ശനത്തിന് അനുവദിച്ചല്ലോ. ഇന്ത്യന്‍ പ്രതിപക്ഷത്തെ രാഷ്ട്രീയപ്രവര്‍ത്തകര്‍ക്കും കശ്മീര്‍ സന്ദര്‍ശിക്കാന്‍ അനുമതി നല്‍കണം. ഇവിടെ ചില അസന്തുലിതാവസ്ഥയുണ്ട്. സര്‍ക്കാര്‍ അത് തീര്‍ച്ചയായും പരിഗണിക്കണം’, നിക്കോളാസ് ഫെസ്റ്റ് പറഞ്ഞു. കശ്മീര്‍ സന്ദര്‍ശനത്തിന് ശേഷമായിരുന്നു ഇദ്ദേഹത്തിന്റെ പ്രതികരണം.
