പ്രീമിയര്‍ ലീഗില്‍ കഴിഞ്ഞ ദിവസം നടന്ന മത്സരത്തില്‍ തകര്‍പ്പന്‍ പ്രകടനമാണ് മാഞ്ചസ്റ്റര്‍ സിറ്റി കാഴ്ചവെച്ചത്. ഫുള്‍ഹാമിനെതിരെ നടന്ന മത്സരത്തില്‍ ഒന്നിനെതിരെ നാല് ഗോളുകള്‍ക്കാണ് മാഞ്ചസ്റ്റര്‍ സിറ്റിയുടെ ജയം. ഹാട്രിക് അടിച്ചുകൊണ്ട് ഹാലണ്ടാണ് മത്സരത്തില്‍ തിളങ്ങിയത്. ഹാലണ്ടിന് പുറമെ ജൂലിയന്‍ അല്‍വാരസും നഥാന്‍ അക്കെയും സിറ്റിക്കായി ഓരോ ഗോളുകള്‍ നേടി. ടിം റീമാണ് ഫുള്‍ഹാമിനായി ഗോള്‍ നേടിയത്.
ഈ ഗോള്‍ നേട്ടത്തോടെ പുതിയ റെക്കോഡിട്ടിരിക്കുകയാണ് 23കാരനായ ഹാലണ്ട്. പ്രീമിയര്‍ ലീഗില്‍ അതിവേഗത്തില്‍ 50 ഗോള്‍ കോണ്‍ട്രിബ്യൂഷന്‍ നടത്തിയ താരമെന്ന റെക്കോഡാണ് ഹാലണ്ട് സ്വന്തമാക്കിയിരിക്കുന്നത്.
ആന്‍ഡി കോളിന്റെ റെക്കോഡ് തകര്‍ത്തുകൊണ്ട് ഹാലണ്ടിന്റെ നേട്ടം. കോളി 43 മത്സരങ്ങളില്‍ നിന്നായിരുന്നു 50 ഗോള്‍ കോണ്‍ട്രിബ്യൂഷന്‍ നടത്തിയിരുന്നത്. എന്നാല്‍ ഹാലണ്ടിന് റെക്കോഡ് തകര്‍ക്കാന്‍ 39 മത്സരങ്ങള്‍ മാത്രമാണ് വേണ്ടി വന്നത്.
Erling Haaland is the fastest player EVER in Premier League history to reach 50 goal contributions.
It took him just 39 league appearances.
What record is next? 📈 pic.twitter.com/tqKzdA5XNJ
— ESPN FC (@ESPNFC) September 2, 2023
