'എന്താടാ സജി' സെക്കന്റ് സ്നീക്ക് പീക്ക് പുറത്ത്
എന്റര്‍ടെയിന്‍മെന്റ് ഡെസ്‌ക്
Sunday, 2nd April 2023, 8:44 pm
ഒരിടവേളക്ക് ശേഷം ജയസൂര്യയും കുഞ്ചാക്കോ ബോബനും ഒരുമിക്കുന്ന എന്താടാ സജി എന്ന ചിത്രത്തിലെ സ്നീക്ക് പീക്ക് വീഡിയോ പുറത്തിറങ്ങി. നവാഗതനായ ഗോഡ്ഫി സേവ്യര്‍ ബാബുവാണ് ചിത്രത്തിന്റെ രചനയും സംവിധാനവും നിര്‍വഹിക്കുന്നത്.
മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനാണ് എന്താടാ സജി നിര്‍മിക്കുന്നത്. ഫാമിലി കോമഡി എന്റര്‍ടെയ്‌നറാണ് ചിത്രം. നേരത്തെ പുറത്തിറങ്ങിയ ചിത്രത്തിലെ ഗാനം ഏറെ ശ്രദ്ധിക്കപ്പെട്ടിരുന്നു.
ചിത്രത്തിന്റെ ടീസര്‍ ഇതിന് മുമ്പ റിലീസ് ചെയ്തിരുന്നു. നിരവധി പേരാണ് സാമൂഹിക മാധ്യമങ്ങളില്‍ ടീസറിനെ പ്രശംസിച്ചു രംഗത്തെത്തിയത്. ഒരു ഫീല്‍ ഗുഡ് കോമഡി ചിത്രം ആണെന്നാണ് അണിയറപ്രവര്‍ത്തകര്‍ പറയുന്നത്.
