ന്യൂദല്‍ഹി: ദല്‍ഹി മുഖ്യമന്ത്രി അരവിന്ദ് കെജ്രിവാളിനെ തീവ്രവാദിയെന്ന് വിളിച്ച് കേന്ദ്രമന്ത്രി പ്രകാശ് ജാവ്ദേക്കര്. ആം ആദ്മി നേതാവ് തീവ്രവാദി ആണെന്ന് തെളിയിക്കാന്‍ ആവശ്യത്തിന് തെളിവുണ്ടെന്നും ജാവ്ദേക്കര് അവകാശപ്പെട്ടു.
”ഇന്ന്, ആം ആദ്മി ഷാഹീന്‍ബാഗ് സമരത്തെ പിന്തുണയ്ക്കുന്നു. എന്തിനു വേണ്ടിയാണ് നിങ്ങള്‍ പിന്തുണയ്ക്കുന്നത്? അസമിനെ ഇന്ത്യയില്‍ നിന്ന് വേര്‍പെടുത്താനോ? ഇന്ത്യയെ തകര്‍ക്കാനുള്ള മുദ്രാവാക്യങ്ങള്‍ ഉയര്‍ന്നുവരുന്ന ഇടങ്ങളില്‍ നില്‍ക്കുന്നതും തീവ്രവാദം തന്നെയാണ്”, ജാവ്ദേക്കര് പറഞ്ഞു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
”നിങ്ങളൊരു തീവ്രവാദിയാണ്. അതിന് അനേകം തെളിവുകളുണ്ട്. നിങ്ങള്‍ തന്നെ പറഞ്ഞിട്ടുണ്ട് നിങ്ങളൊരു അനാര്‍ക്കിസ്റ്റാണെന്ന്, ഒരു അനാര്‍കിസ്റ്റും തീവ്രവാദിയും തമ്മില്‍ വലിയ വ്യത്യാസമില്ല” ജാവ്ദേക്കര് കൂട്ടിച്ചേര്‍ത്തു.
