ഇവന്റെ ബാറ്റില്‍ സ്പ്രിംഗ് തന്നെ; വീണ്ടും കൂറ്റന്‍ സിക്‌സറുമായി ലിവിംഗ്സ്റ്റണ്, ഇത്തവണ പന്ത് കണ്ടെത്തിയത് കണ്‍സ്ട്രക്ഷന്‍ സൈറ്റില്‍ നിന്ന്
സ്പോര്‍ട്സ് ഡെസ്‌ക്
Thursday, 2nd June 2022, 8:45 pm
ഐ.പി.എല്ലില്‍ ഗുജറാത്ത് ടൈറ്റന്‍സിനെതിരെ 117 മീറ്റര്‍ ദൂരത്തേക്ക് സിക്‌സര്‍ പായിച്ചാണ് പഞ്ചാബ് കിംഗ്‌സിന്റെ സൂപ്പര്‍ താരം ലിയാം ലിവിംഗ്സ്റ്റണ് വാര്‍ത്തകളില്‍ ഇടം നേടിയത്.
സിക്‌സറിടിച്ച ശേഷം പന്തെറിഞ്ഞ മുഹമ്മദ് ഷമിയുടെ റിയാക്ഷനും റാഷിദ് ഖാന്റെ ബാറ്റ് പരിശോധയും സോഷ്യല്‍ മീഡിയയില്‍ വൈറലായിരുന്നു.
ഇപ്പോഴിതാ താരത്തിന്റെ മറ്റൊരു മാസ്സീവ് സിക്‌സറാണ് സോഷ്യല്‍ മീഡിയയില്‍ വൈറലായിരിക്കുന്നത്. ഇംഗ്ലണ്ടില്‍ നടക്കുന്ന ടി-20 ബ്ലാസ്റ്റിലാണ് താരം വീണ്ടും സിക്‌സറിടിച്ച് ഞെട്ടിച്ചത്.
മാഞ്ചസ്റ്ററില്‍ വെച്ച് നടന്ന ലങ്കാഷെയര്‍ – ഡാര്‍ബിഷെയര്‍ മത്സരത്തിലാണ് താരത്തിന്റെ സിക്‌സര്‍ പിറന്നത്. 21 റണ്‍സുമായി ക്രീസില്‍ നില്‍ക്കവെ ഡാര്‍ബിഷെയറിന്റെ സ്‌കോട്ടിഷ് സ്പിന്നര്‍ മാര്‍ക്ക് വാട്ടിനെയാണ് ലിവിംഗ്സ്റ്റണ് സിക്‌സറിന് പറത്തിയത്.
