2024ലെ ഐ.സി.സി ടി-20 ലോകകപ്പിനുള്ള 15 അംഗ ടീമിനെ പ്രഖ്യാപിച്ച് ഇംഗ്ലണ്ട്. നിലവിലെ ചാമ്പ്യന്‍മാരെ നയിക്കുന്നത് ജോസ് ബട്‌ലറാണ്.
നിലവില്‍ 2024 ഐ.പി.എല്ലില്‍ കളിക്കുകയാണ് ഇംഗ്ലണ്ടിന്റെ പ്രധാന താരങ്ങള്‍. സഞ്ജു സാംസണ്‍ നയിക്കുന്ന രാജസ്ഥാന്‍ റോയല്‍സിന് വേണ്ടിയാണ് ബട്‌ലര്‍ കളിക്കുന്നത്. നിലവില്‍ ഒമ്പത് മത്സരങ്ങളില്‍ നിന്ന് എട്ട് വിജയം സ്വന്തമാക്കി 16 പോയിന്റോടെ രാജസ്ഥാനാണ് ഒന്നാമത്. ടീമിന് വേണ്ടി മികച്ച പ്രകടനമാണ് ബട്‌ലര്‍ കാഴ്ചവെക്കുന്നത്.
