ഊരാളുങ്കല്‍ ലേബര്‍ സൊസൈറ്റിയില്‍ എന്‍ഫോഴ്‌സ്‌മെന്റ് പരിശോധന
ഡൂള്‍ന്യൂസ് ഡെസ്‌ക്
Monday, 30th November 2020, 12:44 pm
വടകര: ഊരാളുങ്കല്‍ ലേബര്‍ സൊസൈറ്റിയില്‍ എന്‍ഫോഴ്‌സ്‌മെന്റ് ഡയറക്ടറേറ്റ് പരിശോധന. വടകരയിലെ ആസ്ഥാനത്താണ് പരിശോധന നടന്നത്.
മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സി.എം രവീന്ദ്രനുമായുള്ള ബന്ധത്തെക്കുറിച്ചാണ് അന്വേഷണം നടന്നതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. മൂന്നംഗ ഇ.ഡി സംഘമാണ് ഊരാളുങ്കല്‍ ലേബര്‍ കോപ്പറേറ്റീവ് സൊസൈറ്റിയില്‍ എത്തിയത്. അന്വേഷണ സംഘം അധിക സമയം ഓഫീസില്‍ ചിലവഴിച്ചിട്ടില്ല.
ഇ.ഡി സംഘം ഒമ്പത് മണിക്കെത്തി പതിനൊന്നേ മുക്കാലിന് ഓഫീസില്‍ നിന്നും പോയെന്ന് ഊരാളുങ്കല്‍ ലേബര്‍ സൊസൈറ്റി ചെയര്‍മാന്‍ രമേശന്‍ പാലേരി പറഞ്ഞു. ഒരു റിക്കാര്‍ഡും ഇ.ഡി ആവശ്യപ്പെട്ടിട്ടില്ല എന്നും ചില ചോദ്യങ്ങള്‍ ചോദിച്ച് അവര്‍ മടങ്ങിയെന്നും അദ്ദേഹം കൂട്ടിച്ചേര്‍ത്തു.
