ഗസ: ഇസ്രഈൽ ഹമാസ് ഉടമ്പടി പ്രകാരമുള്ള വെടിനിർത്തൽ ഡിസംബർ ഒന്നിന് ഇന്ത്യൻ സമയം 10:30ന് അവസാനിച്ചു. വെടിനിർത്തലിനു ശേഷം പുനരാരംഭിച്ച ഇസ്രഈൽ വ്യോമാക്രമണത്തിൽ ഇതുവരെ 21 ഫലസ്തീനികൾ കൊല്ലപ്പെട്ടതായി ഗസയിലെ ആരോഗ്യമന്ത്രാലയം അറിയിച്ചു.
സൈനിക ആക്രമണം പുനരാരംഭിച്ച് രണ്ടു മണിക്കൂറിനകം തന്നെ ഒമ്പത് പേർ കൊല്ലപ്പെട്ടതായി മന്ത്രാലയം അറിയിച്ചിരുന്നു.
ഏഴു ദിവസത്തെ വെടിനിർത്തൽ അവസാനിച്ചതിനു പിന്നാലെ വടക്കൻ ഗസൽ ഇസ്രയേൽ സേനയും അൽക്കസ് ബ്രിഗേഡും തമ്മിൽ ഏറ്റുമുട്ടലുണ്ടായെന്ന് മാധ്യമങ്ങൾ റിപ്പോർട്ട് ചെയ്തു.
നേരത്തെ ഇസ്രഈലിൽ എത്തിയിയ യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കൻ ഹമാസിനെ തുടച്ചുനീക്കാനുള്ള യുദ്ധത്തിന് തങ്ങൾ എതിരല്ലെന്ന് ഇസ്രഈലിനെ അറിയിച്ചിരുന്നു. അതേസമയം സിവിലിയന്മാരുടെ സുരക്ഷ ഉറപ്പാക്കാൻ കരുതൽ വേണമെന്നും അറിയിച്ചു.
ഈജിപ്തിന്റെയും ഖത്തറിന്റെയും മധ്യസ്ഥതയിൽ ആയിരുന്നു വെടിനിർത്തൽ ഉടമ്പടി നടപ്പിലാക്കിയത്. നാലുദിവസത്തെ വെടിനിർത്തൽ ആയിരുന്നു ആദ്യം പ്രഖ്യാപിച്ചിരുന്നതെങ്കിലും ഇരുപക്ഷത്തു നിന്നുമുള്ള ചർച്ചകൾക്ക് ശേഷം വെടിനിർത്തൽ ദീർഘിപ്പിക്കുകയായിരുന്നു.
വെടിനിർത്തൽ ഉടമ്പടിയുടെ ഭാഗമായി 70 ഇസ്രഈലികളെയും 210 ഫലസ്തീനി തടവുകാരെയും വിട്ടയച്ചിരുന്നു.
Content Highlight: End to Ceasefire in Gaza; 21 Palestine people killed in Israel strike
ഇസ്രഈല്‍ ഫലസ്തീന്‍ സംഘര്‍ഷവുമായി ബന്ധപ്പെട്ട് ഡൂള്‍ന്യൂസ് പ്രസിദ്ധീകരിച്ച ലേഖനങ്ങള്‍, അഭിമുഖങ്ങള്‍
1) ഗസയുടെ 75 വര്‍ഷത്തെ ചരിത്രം; എങ്ങിനെയാണ് ഹമാസിന്റെ ആക്രമണമുണ്ടാകുന്നത്? (24/11/2023) മൈക്കൽ ആൽബർട്ട്
4) ഇസ്രഈലും അധിനിവേശവും(10/11/2023) നാസിറുദ്ധീൻ
7) ഫലസ്തീന്‍ രാഷ്ട്രീയം മാറുന്നുണ്ട് ഹമാസും(28/10/2023) കെ.ടി. കുഞ്ഞിക്കണ്ണൻ
8) ഫലസ്തീനിലേക്ക് ഇനി അധികം ദൂരമില്ല(13/10/2023) ഫാറൂഖ്
10) സമീകരിക്കാനാകില്ല ഇസ്രഈലി ഭികരതയോട് ഹമാസിനെ(08/10/2023) അനു പാപ്പച്ചൻ