ന്യൂയോര്‍ക്ക്: ഓഫീസുകളില്‍ നിന്ന് ജോലി ചെയ്യുന്നവര്‍ക്ക് വീട്ടില്‍ നിന്ന് ജോലി ചെയ്യുന്നവരേക്കാള്‍ മികച്ച മാനസികാരോഗ്യമുണ്ടെന്ന് റിപ്പോര്‍ട്ട്. യു.എസ് ആസ്ഥാനമായുള്ള മൈന്‍ഡ് റിസേര്‍ച്ച് ഓര്‍ഗനൈസേഷന്‍ സാപിയന്‍സ് ലാബ്‌സ് നടത്തിയ പഠനത്തിലാണ് കണ്ടെത്തല്‍.
65 രാജ്യങ്ങളിലായി 54,000 ജീവനക്കാരില്‍ നടത്തിയ സര്‍വേയില്‍ ഓഫീസില്‍ നിന്നും ജോലി ചെയ്യുന്നത് ജോലിസ്ഥലങ്ങളിലെ ബന്ധങ്ങളും ലക്ഷ്യബോധവും മാനസിക ക്ഷേമത്തില്‍ നിര്‍ണായക പങ്ക് വഹിക്കുന്നുണ്ടെന്നും പഠനത്തില്‍ പറയുന്നുണ്ട്.
ഓഫീസുകളിലെത്തി ജോലി ചെയ്യുന്ന വ്യക്തികളുടെ മാനസികാരോഗ്യം മറ്റ് രാജ്യങ്ങളെ അപേക്ഷിച്ച് ഇന്ത്യയില്‍ കൂടുതലാണെന്നും പഠനത്തില്‍ പറയുന്നുണ്ട്. ഹൈബ്രിഡ് അല്ലെങ്കില്‍ വര്‍ക്ക് ഫ്രം ഹോം ക്രമീകരണങ്ങളേക്കാള്‍ മികച്ച മാനസികാരോഗ്യം ഓഫീസുകളില്‍ നിന്നും ലഭിക്കുന്നുണ്ടെന്നും പഠനത്തില്‍ പറയുന്നു.
ജോലിഭാരം സമ്മര്‍ദത്തിനും മാനസികാരോഗ്യ പ്രശ്‌നങ്ങള്‍ക്കും കാരണമാകുന്നു എന്ന ധാരണയെ ഈ കണ്ടെത്തലുകള്‍ വെല്ലുവിളിക്കുന്നുണ്ടെന്നും ഇന്ന് ഇന്ത്യയില്‍ നടക്കുന്ന ചര്‍ച്ചകള്‍ക്ക് ഇത് വിപരീതമാണെന്നും പഠനത്തിലുണ്ട്.
എന്നാല്‍ ഇന്ത്യയില്‍ ജോലിഭാരം 13 ശതമാനം കൂടുതലാണെന്നും അതേസമയം ഇന്ത്യയിലെ ജോലിഭാരം ആഗോളശരാശരിയെക്കാള്‍ കുറവാണെന്നും റിപ്പോര്‍ട്ടില്‍ പറയുന്നുണ്ട്.
അതേസമയം യൂറോപ്പിലെയും അമേരിക്കയിലെയും സ്ഥിതി വ്യത്യസ്തമാണ്. വര്‍ക്ക് ഫ്രം ഹോം വര്‍ക്കുകളാണ് വിദേശങ്ങളിലുള്ളവര്‍ താത്പര്യം പ്രകടിപ്പിക്കുന്നത്.
മാനസികാരോഗ്യം വ്യക്തിബന്ധങ്ങളില്‍ അധിഷ്ഠിതമാണെന്നും തങ്ങള്‍ അംഗീകരിക്കപ്പെടണമെന്നും മൂല്യമുള്ളവരായി കാണാനും തൊഴിലാളികള്‍ ആഗ്രഹിക്കുന്നുണ്ടെന്നും പഠനം വ്യക്തമാക്കുന്നു.
Content Highlight: Employees in India prefer to work from office over work from home: Report