ഈ നേട്ടം ഏറ്റവും ശക്തരായ രാജ്യങ്ങള്‍ക്ക് പോലും നേടാനായില്ല, വൈകാരിക നിമിഷമാണ് എനിക്കിത്; ജന്മദിനത്തിലെ റെക്കോര്‍ഡ് വാക്‌സിനേഷനില്‍ മോദി
ഡൂള്‍ന്യൂസ് ഡെസ്‌ക്
Saturday, 18th September 2021, 2:22 pm
ന്യൂദല്‍ഹി: തന്റെ ജന്മദിനത്തില്‍ റെക്കോര്‍ഡ് വാക്സിനേഷന് നടന്നത് ഒരിക്കലും മറക്കാനാകില്ലെന്ന് പ്രധാനമന്ത്രി നരേന്ദ്ര മോദി.
തന്നെ സംബന്ധിച്ചിടത്തോളം വൈകാരിക നിമിഷമാണ് ഇതെന്നും മോദി പറഞ്ഞു.
”നിങ്ങളുടെ പരിശ്രമത്തിലൂടെ, ഇന്ത്യ ഒരു ദിവസം 2.5 കോടിയിലധികം വാക്‌സിനുകള്‍ നല്‍കിയതിന്റെ ഒരു ലോക റെക്കോര്‍ഡ് സൃഷ്ടിച്ചു, ഈ നേട്ടം ഏറ്റവും ശക്തരായ രാജ്യങ്ങള്‍ക്ക് പോലും നേടാനായില്ല,” ആരോഗ്യപ്രവര്‍ത്തകരോട് സംവദിക്കവേ മോദി പറഞ്ഞു.
കഴിഞ്ഞ ദിവസമായിരുന്നു പ്രധാനമന്ത്രി നരേന്ദ്ര മോദിയുടെ 71ാം ജന്മദിനം. 2.5 കോടി എന്ന റെക്കോര്‍ഡ് വാക്സിനേഷന് നിരക്കാണ് രാജ്യം അന്ന് രേഖപ്പെടുത്തിയത്. 27 ലക്ഷത്തോളം വാക്സിന്‍ ഡോസുകള്‍ വിതരണം ചെയ്ത കര്‍ണാടകയായിരുന്നു ഏറ്റവും മുന്നില്‍.
