രാജ്നാഥ് സിംഗ് എന്റെ അയല്‍വാസിയായിരിക്കെയാണ് ആദ്യത്തെ ആക്രമണം നടന്നത്; ഹിന്ദു സേനയ്ക്ക് ധൈര്യം പകര്‍ന്നത് സര്‍ക്കാരെന്ന് ഉവൈസി
ഡൂള്‍ന്യൂസ് ഡെസ്‌ക്
Wednesday, 22nd September 2021, 7:23 pm
ന്യൂദല്‍ഹി: ഔദ്യോഗിക വസതിക്ക് നേരെ നടന്ന ഹിന്ദുസേനയുടെ ആക്രമണത്തില്‍ പ്രതികരണവുമായി ഹൈദരാബാദ് എം.പി അസദുദ്ദിന്‍ ഉവൈസി.
നാലാമത്തെ സംഭവമാണ് കഴിഞ്ഞ ദിവസം നടന്നതെന്ന് ഉവൈസി പറഞ്ഞു. ആക്രമണത്തിന് ഉത്തരവാദികളായ ആളുകള്‍ക്ക് ധൈര്യം പകര്‍ന്നുകൊടുക്കുന്നത് സര്‍ക്കാരാണെന്നും ഉവൈസി പറഞ്ഞു.
”2015 ല്‍ രാജ്നാഥ് സിംഗ് എന്റെ അയല്‍വാസിയായിരിക്കെയാണ് ആദ്യത്തെ ആക്രമണം നടന്നത്. അദ്ദേഹത്തിന്റെ വീടിനും എന്റെ വീടിനുമിടയില്‍ ഒരു വീട് ഉണ്ടായിരുന്നു. ഈ ഹിന്ദുത്വ പ്രത്യയശാസ്ത്ര ആളുകള്‍ എന്റെ വീട്ടില്‍ അതിക്രമിച്ചു കയറി,” അദ്ദേഹം പറഞ്ഞു.
