ബൈ ബൈ പി.എസ്.ജി; ക്ലബ്ബ് വിടാനൊരുങ്ങി എംബാപെ; അങ്കത്തട്ട് ഇനി സ്പാനിഷ് ലീഗ്
സ്പോര്‍ട്സ് ഡെസ്‌ക്
Monday, 31st January 2022, 10:51 pm
പാരീസ് സെന്റെ ഷെര്‍മാങ്ങിന്റെ ആക്രമണത്തിലെ മുന്നേറ്റക്കാരന്‍ കിലിയന്‍ എംബാപെ ക്ലബ്ബ് വിടുന്നു. ഈ സീസണോടെ പി.എസ്.ജിയുമായുള്ള കരാര്‍ അവസാനിപ്പിക്കുന്ന താരം സ്പാനിഷ് വമ്പന്‍മാരായ റയല്‍ മാഡ്രിഡിലേക്കാണ് ചേക്കേറാനൊരുങ്ങുന്നതെന്നാണ് റിപ്പോര്‍ട്ടുകള്‍.
എംബാപെ റയലുമായി ധാരണയിലെത്തിയെന്ന് വിവിധ ഫ്രഞ്ച് മാധ്യമങ്ങള്‍ റിപ്പോര്‍ട്ട് ചെയ്യുന്നു.
പി.എസ്.ജിയില്‍ കളിക്കുമ്പോള്‍ താരത്തിന് ലഭിക്കുന്നതിന്റെ ഇരട്ടി തുകയാണ് സ്പാനിഷ് ക്ലബ്ബ് എംബാപെയ്ക്ക് നല്‍കാനൊരുങ്ങുന്നത്. പ്രതിവര്‍ഷം 50 ദശലക്ഷം ഡോളര്‍ (416 കോടി രൂപ) ആണ് റയല്‍ മാഡ്രിന്റെ ഓഫര്‍ എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
കരാര്‍ നീട്ടാന്‍ എംബാപെയുമായി പി.എസ്.ജി നിരവധി തവണ ചര്‍ച്ചകള്‍ നടത്തിയെങ്കിലും കരാര്‍ പുതുക്കാന്‍ താരം വിസമ്മതിക്കുകയായിരുന്നു.
