ന്യൂദല്‍ഹി: കൊവിഡ് 19 ന്റെ പശ്ചാത്തലത്തില്‍ കേന്ദ്രസര്‍ക്കാര്‍ വികസിപ്പിച്ചെടുത്ത ആരോഗ്യസേതു ആപ്പിലെ സുരക്ഷാപ്രശ്‌നങ്ങള്‍ ആവര്‍ത്തിച്ച് ഫ്രഞ്ച് സൈബര്‍ വിദഗ്ധനും ഹാക്കറുമായ എലിയറ്റ് ആല്ഡേഴ്സണ്. പ്രധാനമന്ത്രിയുടെ ഓഫീസിലുള്ളവര്‍ക്കടക്കം രാജ്യത്തെ തന്ത്രപ്രധാനമേഖലയിലെ 11 പേര്‍ അസുഖബാധിതരാണെന്ന് എലിയട്ട് ട്വീറ്റ് ചെയ്തു.
പ്രധാനമന്ത്രിയുടെ ഓഫീസിലെ അഞ്ച് പേര്‍, ഇന്ത്യന്‍ ആര്‍മി ഹെഡ്ക്വാര്‍ട്ടേഴ്‌സിലെ രണ്ട് പേര്‍, പാര്‍ലമെന്റിലെ ഒരാള്‍, ആഭ്യന്തരമന്ത്രാലയത്തിലെ മൂന്ന് പേര്‍ എന്നിവര്‍ക്ക് രോഗബാധയുള്ളതായി ഹാക്കറുടെ ട്വീറ്റില്‍ പറയുന്നു.
സുരക്ഷപ്രശ്‌നങ്ങള്‍ സംബന്ധിച്ച സാങ്കേതിമായ വിശദീകരണം നാളെ പുറത്തുവിടുമെന്നും ട്വീറ്റില്‍ പറയുന്നു.
This is the issues. I will give a technical explanation later today in an article
— Elliot Alderson (@fs0c131y) May 6, 2020
ആപ്പ് ഉപയോഗിക്കുന്ന 90 മില്യണ്‍ വരുന്ന ജനവിഭാഗത്തിന്റെ വിവരങ്ങള്‍ അപകടത്തിലാണെന്ന് അദ്ദേഹം നേരത്തെ മുന്നറിയിപ്പു നല്‍കിയിരുന്നു.
ആധാര്‍ കാര്‍ഡിലെ വിവരങ്ങള്‍ സംബന്ധിച്ചും സുരക്ഷാ പ്രശ്നങ്ങള്‍ നിലനില്‍ക്കുന്നുണ്ടെന്നും തേര്‍ഡ് പാര്‍ട്ടി വെബ്സൈറ്റുകള്‍ക്ക് ആധാര്‍ വിവരങ്ങള്‍ ലഭിക്കുമെന്നും പുറത്തുവിട്ടതും എലിയറ്റ് ആല്ഡേഴ്സണ് ആണ്.
The article with the technical details of the issues described below should be available in 2 hours or 3 hours max https://t.co/UKbTuRVuqc pic.twitter.com/cFps7QjUGs
— Elliot Alderson (@fs0c131y) May 6, 2020
ട്വിറ്ററില്‍ ആരോഗ്യ സേതു ആപ്പിനെ ടാഗ് ചെയ്തു കൊണ്ടായിരുന്നു എലിയറ്റ് ഇക്കാര്യം വ്യക്തമാക്കിയത്. രാഹുല്‍ ഗാന്ധി പറഞ്ഞത് ശരിയായിരുന്നെന്നും അദ്ദേഹം പറയുന്നു.
‘നിങ്ങളുടെ ആപ്പില്‍ സുരക്ഷാ പ്രശ്നങ്ങളുണ്ട്. 90 മില്ല്യണ്‍ ജനങ്ങളുടെ സ്വകാര്യത അപകടത്തിലാണ്. നിങ്ങള്‍ക്കെന്നെ സ്വകാര്യമായി സമീപിക്കാന്‍ സാധിക്കുമോ?,’ എന്നായിരുന്നു എലിയറ്റ് ട്വീറ്റ് ചെയ്തത്.
