പെരുമ്പാവൂര്‍: പൊതുപ്രവര്‍ത്തന രംഗത്തു മാത്രമല്ല, കലാരംഗത്തും തിളങ്ങാന്‍ തനിക്കാവുമെന്നു തെളിയിച്ചിരിക്കുകയാണ് പെരുമ്പാവൂര്‍ എം.എല്‍.എ എല്‍ദോസ് കുന്നപ്പിള്ളി. പെരുമ്പാവൂരില്‍ നടന്ന ഒരു സ്വകാര്യ പരിപാടിക്കിടെ സിനിമാഗാനത്തിനു ചുവടുവെയ്ക്കുന്ന എം.എല്‍.എയുടെ വീഡിയോയാണ് ഇപ്പോള്‍ സാമൂഹ്യമാധ്യമങ്ങളില്‍ ഹിറ്റായിരിക്കുന്നത്.
സൗബിന്‍ ഷാഹിര്‍ മുഖ്യകഥാപാത്രത്തെ അവതരിപ്പിച്ച ‘അമ്പിളി’ എന്ന സിനിമയിലെ സൂപ്പര്‍ഹിറ്റായ ‘ഞാന്‍ ജാക്‌സണല്ലെടാ ജോക്കറല്ലെടാ’ എന്ന ഗാനത്തിനാണ് എം.എല്‍.എ ചുവടുവെയ്ക്കുന്നത്. അദ്ദേഹം തന്നെയാണ് ഫേസ്ബുക്കില്‍ ഈ വീഡിയോ പങ്കുവെച്ചിരിക്കുന്നത്.
‘ആഘോഷങ്ങളില്‍ ഞാന്‍ അന്നും ഇന്നും ഒരു കോളേജ് വിദ്യാര്‍ഥിയാണ്’ എന്ന അടിക്കുറിപ്പോടെയാണ് അദ്ദേഹം വീഡിയോ പങ്കുവെച്ചത്.
ആഘോഷങ്ങളിൽ ഞാൻ അന്നും ഇന്നും ഒരു കോളേജ് വിദ്യാർഥിയാണ്………
Posted by Adv.Eldhose Kunnappilly MLA on Tuesday, 17 September 2019