വളഞ്ഞവഴിയും കുറ്റ്യാടിയും ആവര്‍ത്തിച്ച് ഏകരൂര്‍ എസ്‌റ്റേറ്റ് മുക്ക്; ബി.ജെ.പിയുടെ സി.എ.എ അനുകൂല പരിപാടിക്കെതിരെ വീണ്ടും കടയടച്ച് പ്രതിഷേധം
ഡൂള്‍ന്യൂസ് ഡെസ്‌ക്
Tuesday, 14th January 2020, 6:42 pm
കോഴിക്കോട്: ദേശീയ പൗരത്വ നിയമത്തെ അനുകൂലിച്ച് ബി.ജെ.പി പ്രചരണത്തെ ബഹിഷ്‌കരിച്ച് വീണ്ടും പ്രതിഷേധം. കോഴിക്കോട് ഏകരൂര്‍ എസ്‌റ്റേറ്റ് മുക്കിലെ വ്യാപാരികളാണ് കടകളടച്ച് പ്രതിഷേധിച്ചത്.
പൗരത്വ ഭേദഗതി നിയമത്തെക്കുറിച്ചുള്ള ബി.ജെ.പിയുടെ വിശദീകരണ യോഗത്തില്‍ പ്രതിഷേധിച്ചാണ് വ്യാപാരികള്‍ കടകളടച്ച് പ്രതിഷേധിച്ചത്.
ബി.ജെ.പി സംഘടിപ്പിക്കുന്ന പൗരത്വഭേദഗതി വിശദീകരണത്തിനെതിരെ സമാനമായി ഉയര്‍ന്നുവരുന്ന മൂന്നാമത്തെ പ്രതിഷേധമാണിത്. നേരത്തെ ആലപ്പുഴ വളഞ്ഞവഴിയിലും കോഴിക്കോട്ടെ കുറ്റ്യാടിയിലും ദേശീയ പൗരത്വ നിയമത്തെ അനുകൂലിച്ച് ബി.ജെ.പി സംഘടിപ്പിച്ച വിശദീകരണയോഗത്തില്‍ പ്രതിഷേധിച്ച് വ്യാപാരികള്‍ കടകളടച്ച് പ്രതിഷേധിച്ചിരുന്നു.
