' ബി.ജെ.പി സര്‍ക്കാരിന്റെ ഉദ്ദേശ്യം വ്യക്തമാണ്, രാജ്യത്തെ കൊള്ളയടിക്കുക'; പരിസ്ഥിതി വിജ്ഞാപന കരട് പിന്‍വലിക്കണമെന്ന് രാഹുല്‍ ഗാന്ധി
ഡൂള്‍ന്യൂസ് ഡെസ്‌ക്
Monday, 10th August 2020, 10:44 am
ന്യൂദല്‍ഹി: പരിസ്ഥിതി വിജ്ഞാപന പരിഷ്‌ക്കാരത്തിനെതിരെ കോണ്‍ഗ്രസ് നേതാവ് രാഹുല്‍ ഗാന്ധി. പരിസ്ഥിതി നശീകരണവും രാജ്യത്തെ കൊള്ളയടിക്കുന്നതും അവസാനിപ്പിക്കണമെന്ന് രാഹുല്‍ ഗാന്ധി ആവശ്യപ്പെട്ടു.
പരിസ്ഥിതി വിജ്ഞാപന കരടിന് പിന്നിലെ ഉദ്ദേശ്യം എന്താണെന്ന് വളരെ വ്യക്തമാണെന്ന് പറഞ്ഞ രാഹുല്‍ പുതിയ പരിഷ്‌ക്കാരത്തിലൂടെ രാജ്യത്തെ കൊള്ളയടിക്കാനുള്ള ശ്രമമാണ് നടക്കുന്നതെന്നും പറഞ്ഞു.
രാജ്യത്തിന്റെ വിഭവങ്ങള്‍ കൊള്ളയടിക്കുന്ന തങ്ങളുടെ ‘സുഹൃത്തുക്കള്‍’ക്ക് വേണ്ടി ബി.ജെ.പി സര്‍ക്കാര്‍ കാര്യങ്ങള്‍ മാറ്റിമറിക്കുന്നതിന്റെ മറ്റൊരു ഭീകര ഉദാഹരമാണ് പരസ്ഥിതി വിജ്ഞാപന പരിഷ്‌ക്കാരം എന്ന് അദ്ദേഹം വ്യക്തമാക്കി.
പുതിയ വിജ്ഞാപനം പിന്‍വലിക്കണമെന്നും രാഹുല്‍ ആവശ്യപ്പെട്ടു.
