ലക്‌സര്‍ സംഘര്‍ഷം റിപ്പോര്‍ട്ട് ചെയ്ത ഈജിപ്തിലെ മാധ്യമപ്രവര്‍ത്തകയെ കാണാതായി
ഡൂള്‍ന്യൂസ് ഡെസ്‌ക്
Monday, 5th October 2020, 8:15 am
കെയ്‌റോ: ഈജിപ്തില്‍ മാധ്യമപ്രവര്‍ത്തകയായ ബസ്മ മൊസ്തഫയെ അറസ്റ്റ് ചെയ്തതായി റിപ്പോര്‍ട്ട്. അല്‍ മനാസ എന്ന ന്യൂസ് വെബ്‌സൈറ്റിലെ മാധ്യമപ്രവര്‍ത്തകയായ ഇവരെ ഈജിപ്തിലെ ലക്‌സര്‍ നഗരത്തില്‍ നടക്കുന്ന സംഘര്‍ഷം റിപ്പോര്‍ട്ട് ചെയ്യവേ ആണ് കാണാതായത്. ശനിയാഴ്ച രാവിലെ കാണാതായ ഇവരുടെ ഒരു വിവരവും പിന്നെ ലഭിച്ചിരുന്നില്ല. ഫോണ്‍ കോളുകളും സ്വീകരിച്ചില്ല.
ഞായറാഴ്ച രാവിലെ ഇവരെ കെയ്‌റോയിലെ സ്‌റ്റേറ്റ് സെക്യൂരിറ്റി പ്രോസിക്യൂഷന് മുന്നില്‍ ഹാജരാക്കിയിട്ടുണ്ടെന്ന് ബസ്മയുടെ അഭിഭാഷകന്‍ പിന്നീട് സ്ഥിരീകരിച്ചു.
കഴിഞ്ഞ രണ്ടുമാസമായി ഈജിപ്തിലെ പല രാഷ്ട്രീയ സംഭവ വികാസങ്ങളും ബസ്മ റിപ്പോര്‍ട്ട് ചെയ്തിട്ടുണ്ടായിരുന്നു. അടുത്തിടെ പൊലീസ് കസ്റ്റഡിയില്‍ വെച്ച് ഇസ്‌ലാം അല്‍ ഒസ്ട്രാലി എന്ന ചെറുപ്പക്കാരന്‍ കൊല്ലപ്പെട്ട സംഭവം ഇവര്‍ റിപ്പോര്‍ട്ട് ചെയ്തിരുന്നു.
