ടെല്‍ അവീവ്: അമേരിക്കന്‍ മാധ്യമങ്ങളില്‍ ഇസ്രഈല്‍ – ഫലസ്തീന്‍ സംഘര്‍ഷത്തെ കുറിച്ചുള്ള വാര്‍ത്തകള്‍ രൂപപ്പെടുത്തുന്നതിനായി ഇസ്രഈല്‍ ലോബിയിങ് ഗ്രൂപ്പുകള്‍ മറ്റു ജൂത സംഘടനകളുമായി ബന്ധം സ്ഥാപിക്കുന്നതായി റിപ്പോര്‍ട്ട്. ഇതിനായി അമേരിക്കന്‍ ഇസ്രഈല്‍ പബ്ലിക് അഫയേഴ്സ് കമ്മിറ്റി (എ.ഐ.പിഎ.സി) 10/7 എന്ന പേരില്‍ ഒരു പ്രോജക്റ്റ് ആരംഭിച്ചിട്ടുണ്ട്.
ദി ജ്യൂവിഷ് ഫെഡറേഷന്‍സ് ഓഫ് നോര്‍ത്ത് അമേരിക്ക, ആന്റി ഡിഫമേഷന്‍ ലീഗ് (എ.ഡി.എല്‍) എന്നീ സംഘടനകളുമായി ചേര്‍ന്നാണ് അമേരിക്കന്‍ ഇസ്രഈല്‍ പബ്ലിക് അഫയേഴ്സ് കമ്മിറ്റി പ്രോജക്റ്റ് ആരംഭിച്ചിട്ടുള്ളത്.
ഗസയില്‍ ഇസ്രഈല്‍ നടത്തുന്ന യുദ്ധത്തിന് പിന്തുണ പ്രഖ്യാപിക്കണമെന്നും യുദ്ധത്തിന് മികച്ച രീതിയില്‍ മീഡിയ കവറേജ് നല്‍കണമെന്നുമാണ് സംഘടനയുടെ ആവശ്യം. ഒക്ടോബര്‍ 7ന് ഹമാസ് നടത്തിയ പ്രത്യാക്രമണത്തിലും ഹമാസ് തടവിലാക്കിയിട്ടുള്ള ഇസ്രഈലി ബന്ദികളിലും മാധ്യമങ്ങള്‍ കൂടുതല്‍ ശ്രദ്ധ പുലര്‍ത്തണമെന്നും സംഘടന ആവശ്യപെടുന്നതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു.
ദ്രുത പ്രതികരണത്തിലൂടെയും സമഗ്രമായ മാധ്യമ പ്രചാരണത്തിലൂടെയും ഇസ്രഈല്‍ – ഹമാസ് സംഘര്‍ഷത്തെക്കുറിച്ചുള്ള തെറ്റായ വിവരങ്ങളും തെറ്റായ റിപ്പോര്‍ട്ടിങ്ങും ഇല്ലാതാക്കുമെന്ന് ജൂത ഫെഡറേഷന്‍സ് ഓഫ് നോര്‍ത്ത് അമേരിക്കയുടെ പ്രസിഡന്റും സി.ഇ.ഒയുമായ എറിക് ഫിംഗര്‍ഹട്ട് പറഞ്ഞു. ഹമാസ് നടത്തിയ ആക്രമണത്തിലെ ഇരകളിലേക്കും ബന്ദികളിലേക്കും 10/7 പ്രോജക്റ്റ് വെളിച്ചം വീശുമെന്നും ഫിംഗര്‍ഹട്ട് കൂട്ടിച്ചേര്‍ത്തു.
10/7 പ്രോജക്റ്റ് മുഖേനെ ന്യൂസ് വെബ്‌സൈറ്റിലൂടെ യുദ്ധത്തെ കൃത്യമായി വിവരിക്കാന്‍ കഴിയുമെന്ന് ഇസ്രഈല്‍ ലോബിയിങ് ഗ്രൂപ്പുകള്‍ അവകാശപ്പെടുന്നു. ഒക്ടോബര്‍ 7ന് നടന്ന ഹമാസ് പ്രത്യാക്രമണത്തിന്റെ ഭാഗമായി ഉണ്ടായ പ്രത്യാഘാതങ്ങളെ കുറിച്ച് വ്യക്തമായി റിപ്പോര്‍ട്ട് ചെയ്യാന്‍ കഴിവുള്ള മാധ്യമപ്രവര്‍ത്തകരെ സംഘടന നല്‍കുമെന്നും ലോബിയിങ് ഗ്രൂപ്പുകള്‍ പറയുന്നു.
Content Highlight: Efforts by Israel lobbying groups to shape pro-Israel coverage in the US media
ഇസ്രഈല്‍ ഫലസ്തീന്‍ സംഘര്‍ഷവുമായി ബന്ധപ്പെട്ട് ഡൂള്‍ന്യൂസ് പ്രസിദ്ധീകരിച്ച ലേഖനങ്ങള്‍, അഭിമുഖങ്ങള്‍
1) ഗസയുടെ 75 വര്‍ഷത്തെ ചരിത്രം; എങ്ങിനെയാണ് ഹമാസിന്റെ ആക്രമണമുണ്ടാകുന്നത്? (24/11/2023) മൈക്കൽ ആൽബർട്ട്
4) ഇസ്രഈലും അധിനിവേശവും(10/11/2023) നാസിറുദ്ധീൻ
7) ഫലസ്തീന്‍ രാഷ്ട്രീയം മാറുന്നുണ്ട് ഹമാസും(28/10/2023) കെ.ടി. കുഞ്ഞിക്കണ്ണൻ
8) ഫലസ്തീനിലേക്ക് ഇനി അധികം ദൂരമില്ല(13/10/2023) ഫാറൂഖ്
10) സമീകരിക്കാനാകില്ല ഇസ്രഈലി ഭികരതയോട് ഹമാസിനെ(08/10/2023) അനു പാപ്പച്ചൻ