തിരുവനന്തപുരം: ട്രാന്‍സ്‌ജെന്‍ഡര്‍ വിഭാഗങ്ങള്‍ക്ക് വിദ്യഭ്യാസ സംവരണവുമായി സംസ്ഥാന സര്‍ക്കാര്‍. ഇത് സംബന്ധിച്ച് സംസ്ഥാനത്തെ സര്‍വ്വകലാശാലകളിലെ മുഴുവന്‍ കോഴ്‌സുകളിലും രണ്ട് സീറ്റ് വീതം ട്രാന്‍സ്‌ജെന്‍ഡറുകള്‍ക്ക് അനുവദിച്ച് ഉത്തരവിറങ്ങി.
സംസ്ഥാനത്തെ ആര്‍ട്‌സ് ആന്‍ഡ് സയന്‍സ് കോളെജുകള്‍ക്കും ഉത്തരവ് ബാധകമാണ്. ട്രാന്‍സ് ജെന്‍ഡര്‍ വിദ്യാര്‍ത്ഥികള്‍ക്ക് ഉപരി പഠനത്തിന് അവസരമൊരുക്കുകയും സാമൂഹ്യനീതി ഉറപ്പ് വരുത്താനുമാണ് സംസ്ഥാന സര്‍ക്കാറിന്റെ പുതിയ തീരുമാനം.