മെസിക്കൊപ്പം കളിക്കാനില്ല; അവസരം നിരസിച്ച് ഈഡന്‍ ഹസാര്‍ഡ്
സ്പോര്‍ട്സ് ഡെസ്‌ക്
Wednesday, 26th July 2023, 5:34 pm
അര്‍ജന്റൈന്‍ ഇതിഹാസം ലയണല്‍ മെസിയുടെ പ്രവേശനത്തോടെ മേജര്‍ സോക്കര്‍ ലീഗ് വലിയ ശ്രദ്ധ നേടിയിരിക്കുകയാണ്. അമേരിക്കന്‍ ക്ലബ്ബായ ഇന്റര്‍ മയാമിക്കായി കളിച്ച രണ്ട് മത്സരങ്ങളിലും ഗോള്‍ നേടാന്‍ മെസിക്ക് സാധിച്ചിരുന്നു. തുടര്‍ച്ചയായി 15 മത്സരങ്ങളില്‍ പരാജയം നുണഞ്ഞ മയാമി മെസിയുടെ പ്രകടനത്തിന്റെ മികവില്‍ ജയത്തോടെ മുന്നേറുകയാണ്.
മെസിക്ക് പുറമെ ബാഴ്‌സലോണ ഇതിഹാസമായ സെര്‍ജിയോ ബുസ്‌ക്വെറ്റ്‌സും മയാമിയിലെത്തിയിട്ടുണ്ട്. കഴിഞ്ഞ മത്സരത്തില്‍ ബുസിയുടെ അസിസ്റ്റിലായിരുന്നു മെസി ഗോള്‍ വലയിലെത്തിച്ചത്. മെസിക്കും ബുസ്‌ക്വെറ്റ്‌സിനുമൊപ്പം ബാഴ്‌സലോണയില്‍ ബൂട്ടുകെട്ടി ക്ലബ്ബിന്റെ നിരവധി ജയങ്ങളില്‍ നിര്‍ണായക പങ്കുവഹിച്ച ജോര്‍ധി ആല്‍ബയും ഉടന്‍ മയാമിയില്‍ ജോയിന്‍ ചെയ്യുമെന്നാണ് റിപ്പോര്‍ട്ടുകള്‍.
