ഞാന്‍ ബി.ജെ.പിക്കാരന്‍ ആണ്, ഒരു എന്‍ഫോഴ്‌സ്‌മെന്റും പിന്നാലെ വരില്ല; വിവാദ പരാമര്‍ശവുമായി ബി.ജെ.പി എം.പി
ഡൂള്‍ന്യൂസ് ഡെസ്‌ക്
Monday, 25th October 2021, 10:45 am
മുംബൈ: ബി.ജെ.പിക്കാരന്‍ ആയിരിക്കുന്ന കാലത്തോളം തനിക്കെതിരെ എന്‍ഫോഴ്‌സ്‌മെന്റ് അന്വേഷണം ഉണ്ടാകില്ലെന്ന് ബി.ജെ.പി എം.പി സഞ്ജയ് പാട്ടീല്‍.
ഒരു ഷോപ്പിംഗ് മാളിന്റെ ഉദ്ഘാടനത്തില്‍ വെച്ചായിരുന്നു എം.പിയുടെ പരാമര്‍ശം.
” ഇ.ഡി എനിക്കെതിരെ വരില്ല, ഞാന്‍ ബി.ജെ.പിക്കാരനാണ്,” പാട്ടീല്‍ പറഞ്ഞു.
ആഡംബര കാറ് വാങ്ങാന്‍ ബാങ്കില്‍ നിന്ന് ലോണെടുത്തിട്ടുണ്ടെന്നും എന്നാലും ഇ.ഡി തന്റെ പിറകില്‍ വരില്ലെന്നും എം.പി പറഞ്ഞു.
ഞാന്‍ ഒരു ബി.ജെ.പി എം.പിയായതിനാല്‍ ഇ.ഡി എന്റെ പിന്നാലെ വരില്ല. 40 ലക്ഷം രൂപ വിലയുള്ള ഒരു കാര്‍ വാങ്ങാന്‍ ഞങ്ങള്‍ വായ്പയെടുക്കണം. ഞങ്ങള്‍ എത്ര വായ്പ എടുത്തിട്ടുണ്ടെന്ന് കണ്ട് ഇ.ഡി ആശ്ചര്യപ്പെടുമെന്നും സഞ്ജയ് പാട്ടീല്‍ പറഞ്ഞു.
