കോഴിക്കോട് ആസ്റ്റർ മിംസിൽ പുതുതായി ആരംഭിച്ച എക്മോ യൂണിറ്റിനെക്കുറിച്ച് വിശദീകരിക്കുകയാണ് ഡോക്ടർമാരായ മഹേഷ്, സതീഷ് കുമാർ, അനിൽ ജോസ് എന്നിവർ. ഉത്തരകേരളത്തിൽ തന്നെ ആദ്യത്തെ എക്മോ യൂണിറ്റാണ് ആസ്റ്റർ മിംസിൽ പ്രവർത്തനം ആരംഭിച്ചത്. ഹൃദയ, ശ്വാസകോശ സംബന്ധമായ അസുഖങ്ങൾ ​ഗുരുതരമായി ബാധിച്ച രോ​ഗികളെ പുതുജീവിതത്തിലേക്ക് തിരികെ കൊണ്ടുവരാൻ എക്മോ മെഷിനു സാധിക്കും.

നേരത്തെ ​ഗുരുതരമായി ​ന്യുമോണിയ ബാധിച്ച കണ്ണൂർ സ്വദേശിനിയായ ഒന്നരവയസ്സുകാരിയ്ക്ക് പീഡിയാട്രിക് എക്മോയിലൂടെ രോ​ഗം ഭേദമായിരുന്നു. വിദ​ഗ്ധരായ ഒരു സംഘം ഡോക്ടർമാരുടെ യോജിച്ചുള്ള പ്രവർത്തനം എക്മോയുടെ വിജയത്തിന് ആവശ്യമാണെന്ന് ഡോക്ടർമാർ പറയുന്നു. രോ​ഗിയുടെ ശരീരത്തിലെ രക്തത്തിലേക്ക് കൃത്രിമമായി ഓക്സിജൻ നൽകുന്ന രീതിയാണ് എക്മോയിൽ ഉപയോ​ഗപ്പെടുത്തുന്നത്.