അനുമതിയില്ലാത്ത പ്രചാരണഗാനം ഉപയോഗിച്ചു, തെരഞ്ഞെടുപ്പ് കമ്മീഷന്‍ ഉദ്യോഗസ്ഥന്റെ ക്യാമറ തട്ടിപ്പറിച്ചു; കേന്ദ്രമന്ത്രി ബാബുല്‍ സുപ്രിയോയ്‌ക്കെതിരേ പെരുമാറ്റച്ചട്ടം ലംഘിച്ചതിനു രണ്ട് കേസ്
ഡൂള്‍ന്യൂസ് ഡെസ്‌ക്
Monday, 22nd April 2019, 7:17 pm
കൊല്‍ക്കത്ത: പെരുമാറ്റച്ചട്ടം ലംഘിച്ചതിന് കേന്ദ്രമന്ത്രിയും ബംഗാളിലെ അസന്‍സോള്‍ മണ്ഡലത്തിലെ ബി.ജെ.പി സ്ഥാനാര്‍ഥിയുമായ ബാബുല്‍ സുപ്രിയോയ്‌ക്കെതിരേ തെരഞ്ഞെടുപ്പ് കമ്മീഷന്‍ രണ്ട് കേസുകള്‍ രജിസ്റ്റര്‍ ചെയ്തു. പെരുമാറ്റച്ചട്ടം ലംഘിച്ചതിന് മാര്‍ച്ചില്‍ സുപ്രിയോയ്ക്ക് കമ്മീഷന്‍ കാരണം കാണിക്കല്‍ നോട്ടീസ് നല്‍കിയിരുന്നു.
പ്രചാരണത്തിന്റെ ഭാഗമായി ചിത്രീകരിച്ച ഗാനം കമ്മീഷന്‍ അനുമതി നിഷേധിച്ചിട്ടു പോലും ഉപയോഗിച്ചതിനാണ് ഒരു കേസ്. മറ്റൊന്ന് തന്റെ പ്രചാരണറാലി ചിത്രീകരിക്കവേ തെരഞ്ഞെടുപ്പ് കമ്മീഷന്‍ ഉദ്യോഗസ്ഥന്റെ കൈവശമുണ്ടായിരുന്ന ക്യാമറ സുപ്രിയോ തട്ടിപ്പറിച്ചതിനാണ്.
