തൃശൂര്‍: തൃശൂരില്‍ ഇന്നലെ 11.15ഓടെ നേരിയ ഭൂചലനം അനുഭവപ്പെട്ടു. തൃശൂരില്‍ നഗരത്തില്‍ പാട്ടുരായ്ക്കല്‍, വിയ്യൂര്‍, ലാലൂര്‍, ചേറൂര്‍, ഒല്ലൂര്‍, പൂച്ചട്ടി, കണ്ണംകുളങ്ങര, കൂര്‍ക്കഞ്ചേരി, ചിയ്യാരം, വിജയമാത പള്ളി, അമ്മാടം, പെരിഞ്ചേരി, കോലഴി, മണ്ണുത്തി, ആശാരിക്കാട്, പട്ടാളക്കുന്ന, അയ്യന്തോള്‍ തുടങ്ങിയ മേഖലകളിലാണ് ഭൂചലനം അനുഭവപ്പെട്ടത്.
ഒരു സെക്കന്റ് ദൈര്‍ഘ്യമാണ് ഭൂചലനത്തിന് ഉണ്ടായിരുന്നത്, തീവ്രത എത്രയെന്ന് തിട്ടപ്പെടുത്തിയിട്ടില്ല. പ്രഭവകേന്ദ്രവും കണ്ടെത്താന്‍ സാധിച്ചിട്ടില്ല.
വീടിന്റെ വാതിലുകള്‍ ഇളകുകയും, പാത്രങ്ങള്‍ മറിഞ്ഞ് വീഴുകയും ചെയ്തതായി നാട്ടുകാര്‍ പറയുന്നു. മഴ ഉണ്ടായിരുന്നതിനാല്‍ ഇടിയുടെ ഭാഗമാണെന്നാണ് ആളുകള്‍ ആദ്യം കരുതിയിരുന്നത്.
