വളരെ ശക്തമായ ഭൂചലനമായിരുന്നുവെങ്കിലും പ്രഭവകേന്ദ്രം 600 കിലോമീറ്റര്‍ താഴ്ചയില്‍ ആയതും ഭൂകമ്പമുണ്ടായത് ആമസോണ്‍ വനപ്രദേശത്തായതുകൊണ്ടും വന്‍ നാശനഷ്ടങ്ങളും അത്യാഹിതങ്ങളും ഒഴിവായി. തുടക്കത്തില്‍ 7.3 ഉം പിന്നീട് 7.2 ഉം രേഖപ്പെടുത്തിയ ഭൂകമ്പമാണ് ഉണ്ടായത്. ഇതുകഴിഞ്ഞ് അഞ്ച് മിനിറ്റ് ശേഷം 5.9 രേഖപ്പെടുത്തി വീണ്ടും ഭൂകമ്പമുണ്ടായി.
ആമസോണ്‍ മേഖലയിലുണ്ടായ ഭൂചലനത്തിലും തുടര്‍ ചലനങ്ങളിലും ഇതുവരെ അപകടങ്ങളൊന്നും റിപ്പോര്‍ട്ട് ചെയ്തിട്ടില്ലെന്ന് പെറുവിലെ എമര്‍ജന്‍സി സര്‍വ്വീസ് തലവന്‍ അല്‍ഫ്രഡോ മുര്‍ഗുയിറ്റോ പറഞ്ഞു. പെറുവിലെ ഏറ്റവും വലിയ കോപ്പര്‍ ഖനിയായ സൗത്തേണ്‍ കോപ്പര്‍ ഖനിയും സുരക്ഷിതമാണ്.