വീരപ്പന്റെ ജീവിതം സീരിസാക്കാന്‍ ഇ ഫോര്‍ എന്റര്‍ടെയിന്‍മെന്റ്; സീരിസായി ഒരുങ്ങുന്നത് വിജയകുമാര്‍ ഐ.പി.എസിന്റെ പുസ്തകം
എന്റര്‍ടെയിന്‍മെന്റ് ഡെസ്‌ക്
Wednesday, 29th July 2020, 9:04 pm
സത്യമംഗലം കാടുകളെ അടക്കിവാണ വീരപ്പന്റെ ജീവിതം വീണ്ടും വെള്ളിത്തിരയിലേക്ക്. ഇത്തവണ സീരീസ് രൂപത്തില്‍ എത്തുന്ന ജീവിത കഥ നിര്‍മ്മിക്കുന്നത് ഇ ഫോര്‍ എന്റര്‍ടെയിന്‍മെന്റ് ആണ്.
വീരപ്പനെ വധിക്കുന്നതിന് നേതൃത്വം നല്‍കിയ ഐ.പി.എസ് ഓഫീസര്‍ വിജയകുമാര്‍ എഴുതിയ ‘Chasing The Brigand’ എന്ന പുസ്തകത്തിനെ ആസ്പദമാക്കിയാണ് സീരിസ് ഒരുങ്ങുന്നത്.
പുസ്തകത്തെ അധികരിച്ചോ, കഥാപാത്രങ്ങളോ, ആഖ്യാനമോ പശ്ചാത്തലമാക്കി സിനിമ, സീരീസ് എന്നിവ പുറത്തിറക്കിയാല്‍ നിയമപരമായി നേരിടുമെന്നും മുഴുവന്‍ അവകാശവും തങ്ങള്‍ക്കായിരിക്കുമെന്നും ഇ ഫോര്‍ എന്റര്‍ടെയിന്‍മെന്റ് മാധ്യമങ്ങളെ അറിയിച്ചിട്ടുണ്ട്.
