അങ്ങനെ ഡിബാലെയും ടീം മാറി; അര്‍ജന്റൈന്‍ സൂപ്പര്‍താരത്തെ സൂപ്പര്‍ക്ലബ്ബ് സ്വന്തമാക്കി
സ്പോര്‍ട്സ് ഡെസ്‌ക്
Monday, 18th July 2022, 6:00 pm
വര്‍ഷങ്ങളോളം യുവന്റസില്‍ കളിച്ചതിന് ശേഷം ടീം മാറിയിരിക്കുകയാണ് അര്‍ജന്റീനയുടെ സൂപ്പര്‍താരം പൗളൊ ഡിബോല. ഇറ്റാലിയന്‍ ക്ലബ്ബായ യുവന്റസില്‍ നിന്നും എ.എസ് റോമയിലേക്കാണ് താരം കൂടുമാറിയത്.
മൂന്ന് വര്‍ഷത്തെ കരാറിനാണ് താരത്തെ റോമ സ്വന്തമാക്കിയത്. 2025 വരെയായിരിക്കും അദ്ദേഹത്തിന്റെ കരാര്‍. പ്രമുഖ ഫുട്‌ബോള്‍ ജേണലിസ്റ്റായ ഫാബ്രിസിയോയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
കരാര്‍ പുതുക്കുന്നില്ലെന്ന് യുവന്റസ് തീരുമാനിച്ചതോടെയാണ് ഡിബാല ക്ലബ് വിടുന്നത്. മുന്‍ പലര്‍മോ താരത്തിനായി ഇന്റര്‍ മിലാന്‍, നാപ്പോളി തുടങ്ങിയ ക്ലബുകള്‍ ശക്തമായ ശ്രമം നടത്തിയിരുന്നെങ്കിലും ഒടുവില്‍ റോമയാണ് അതില്‍ വിജയിച്ചത്. അടുത്തു തന്നെ അര്‍ജന്റീന താരം മെഡിക്കല്‍ നടപടിക്രമങ്ങള്‍ പൂര്‍ത്തിയാക്കി റോമയുമായി കരാര്‍ ഒപ്പുവെക്കുമെന്നാണ് റിപ്പോര്‍ട്ടുകള്‍.
