കള്ളച്ചിരി ചിരിക്കരുത്; മമ്മൂട്ടി എടുത്ത ചിത്രങ്ങള്‍ പങ്കുവെച്ച് ദുല്‍ഖര്‍ സല്‍മാന്‍
എന്റര്‍ടെയിന്‍മെന്റ് ഡെസ്‌ക്
Friday, 29th April 2022, 1:56 pm
അഭിനയം കഴിഞ്ഞാല്‍ മമ്മൂട്ടിക്ക് ഏറ്റവും പ്രിയപ്പെട്ട മേഖലയാണ് ഫോട്ടോഗ്രഫി. ക്യാമറയുടെ വലിയൊരു ശേഖരം തന്നെയുണ്ട് മമ്മൂട്ടി. പലപ്പോഴും മമ്മൂട്ടി എടുത്ത ചിത്രങ്ങള്‍ വൈറലാവാറുണ്ട്.
എന്നാല്‍ ഇപ്പാേള്‍ അദ്ദേഹം എടുത്ത ഫോട്ടോ കൂടുതല്‍ ശ്രദ്ധ നേടുകയാണ്. മമ്മൂട്ടി എടുത്ത ദുല്‍ഖര്‍ സല്‍മാന്റെ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. ദുല്‍ഖര്‍ തന്നെയാണ് മമ്മൂട്ടി എടുത്ത ചിത്രങ്ങള്‍ സോഷ്യല്‍ മീഡിയയിലൂടെ പങ്കുവെച്ചത്.
‘വെളിച്ചം ശ്രദ്ധിക്ക്, ക്യാമറയിലേക്ക് നോക്ക്, കള്ളച്ചിരി ചിരിക്കരുത് എന്ന് സീനിയര്‍ പറയുമ്പോള്‍,
കാല്‍മുട്ടുകള്‍ വിറക്കുന്നു, കാരണം ലെന്‍സിന് പിന്നില്‍ അദ്ദേഹമാണ്,’ ചിത്രങ്ങള്‍ പങ്കുവെച്ചുകൊണ്ട് ദുല്‍ഖര്‍ കുറിച്ചു.
