ബോളിവുഡ് സൈക്കളോജിക്കല്‍ ത്രില്ലറില്‍ ദുല്‍ഖര്‍ സല്‍മാന്‍; കൂടെ പ്രധാന വേഷത്തില്‍ സണ്ണി ഡിയോളും
എന്റര്‍ടെയിന്‍മെന്റ് ഡെസ്‌ക്
Sunday, 10th October 2021, 3:24 pm
മുംബൈ: ഒരിടവേളയ്ക്ക് ശേഷം മലയാളത്തിന്റെ പ്രിയതാരം ദുല്‍ഖര്‍ സല്‍മാന്‍ ബോളിവുഡ് ചിത്രത്തില്‍ അഭിനയിക്കുന്നു. ആര്‍. ബല്‍കി സംവിധാനം ചെയ്യുന്ന സൈക്കളോജിക്കല്‍ ത്രില്ലറിലാണ് താരം അഭിനയിക്കുന്നത്.
ചീനി കം, പാ, ഷമിതാഭ്, കി ആന്‍ഡ് ക, പാഡ് മാന്‍ എന്നീ സിനിമകളിലൂടെ ശ്രദ്ധ നേടിയ സംവിധായകനാണ് ആര്‍. ബല്‍കി. ത്രില്ലര്‍ ഴോണറില്‍ ഒരുക്കുന്ന ബാല്‍കിയുടെ ആദ്യ ചിത്രമാണിത്.
ചിത്രത്തിന്റെ ടൈറ്റില്‍ ഞായറാഴ്ച പുറത്തുവിട്ടു. ചുപ് എന്ന് പേരിട്ടിരിക്കുന്ന ചിത്രത്തിന്റെ ടാഗ് ലൈന്‍ ഒരു കലാകാരന്റെ പ്രതികാരം എന്നാണ്. പ്രമുഖ ബോളിവുഡ് സംവിധായകനായിരുന്ന ഗുരു ദത്തിനുള്ള ആദരം എന്ന നിലയ്ക്കാണ് ചിത്രം ഒരുക്കുന്നതെന്ന് സംവിധായകന്‍ ആര്‍. ബല്‍കി പറഞ്ഞിരുന്നു.
