ഇനി മാസ് എന്റര്‍ടെയ്‌നര്‍; ധനുഷ് ചിത്രത്തിന്റെ സംവിധായകനൊപ്പം ദുല്‍ഖര്‍; നിര്‍മാണം തെന്നിന്ത്യന്‍ വമ്പന്‍
എന്റര്‍ടെയിന്‍മെന്റ് ഡെസ്‌ക്
Sunday, 14th May 2023, 9:31 am
തെന്നിന്ത്യന്‍ സൂപ്പര്‍ സംവിധായകന്‍ വെങ്കി അറ്റ്‌ലൂരിയുമായി കൈ കോര്‍ക്കാന്‍ ദുല്‍ഖര്‍ സല്‍മാന്‍. ധനുഷ് ചിത്രം വാത്തിയാണ് ഒടുവില്‍ പുറത്ത് വന്ന വെങ്കി അറ്റ്‌ലൂരിയുടെ ചിത്രം. തമിഴിലും തെലുങ്കിലുമായി വാത്തി, ജെഴ്‌സി, ഭീംല നായക് എന്നിങ്ങനെ ഹിറ്റ് ചിത്രങ്ങള്‍ നിര്‍മിച്ച സിത്താര എന്റര്‍ടെയ്ന്‍മെന്റ്‌സാണ് ദുല്‍ഖറിന്റെ പുതിയ ചിത്രം നിര്‍മിക്കുന്നത്.
ചിത്രം ഈ വര്‍ഷം ഒക്ടോബറില്‍ ഷൂട്ട് തുടങ്ങും. 2024ലായിരിക്കും ചിത്രം റിലീസ് ചെയ്യുക. തെന്നിന്ത്യന്‍ സിനിമയിലെ ബ്രാന്‍ഡ് താരമായ ദുല്‍ഖര്‍ സല്‍മാനും സൂപ്പര്‍ സംവിധായകനും പ്രൊഡക്ഷന്‍ ഭീമനും ഒന്നിക്കുമ്പോള്‍ ഒരു മാസ് എന്റര്‍ടെയ്‌നറില്‍ കുറഞ്ഞതൊന്നും പ്രേക്ഷകര്‍ പ്രതീക്ഷിക്കുന്നില്ല.
