കിംഗ് കോംഗിന്റെയും ഗോഡ്സില്ലയുടെയും പോരാട്ടത്തിന്റെ കഥ പറഞ്ഞ് ദുല്‍ഖര്‍; വീഡിയോ
കൊച്ചി: കിംഗ് കോംഗിന്റെയും ഗോഡ്സില്ലയുടെയും പോരാട്ടത്തിന്റെ കഥ പറഞ്ഞ് ദുല്‍ഖര്‍ സല്‍മാന്‍. ഗോഡ്സില്ല വേഴ്സസ് കോംഗ് എന്ന സിനിമയുടെ ട്രൈലറാണ് ദുല്‍ഖര്‍ തമിഴില്‍ വിവരിച്ചത്.
തന്റെ ഇന്‍സ്റ്റഗ്രാം പോസ്റ്റിലൂടെയാണ് താരം വീഡിയോ പങ്കുവെച്ചത്. ആമസോണ്‍ പ്രൈം വീഡിയോസിന് വേണ്ടിയാണ് ദുല്‍ഖര്‍ ഗോഡ്സില്ല വേഴ്സസ് കോംഗിന്റെ പ്രമോഷന്‍ ചെയ്തിട്ടുള്ളത്.
ആമസോണ്‍ പ്രൈം വീഡിയോസിന് വേണ്ടി കോംഗിന്റെയും ഗോഡ്സില്ലയുടേയും ഇതിഹാസ തുല്യമായ മത്സരം സ്വന്തം ശബ്ദത്തില്‍ വിവരിച്ചു എന്നാണ് താരം വീഡിയോയുടെ കൂടെ ക്യാപ്ഷനായി നല്‍കിയിരിക്കുന്നത്.
കിംഗ് കോംഗിന്റെയും ഗോഡ്സില്ലയുടെയും ഉത്ഭവവും ആദ്യകാലവും മനുഷ്യര്‍ അവരെ ആരാധിച്ചിരുന്ന കാലം തുടങ്ങി അവരുടെ പോരാട്ടങ്ങളുടെ കഥ അതീവ രസകരമായിട്ടാണ് താരം വിവരിച്ചിരിക്കുന്നത്.
