ഉസ്താദ് ഹോട്ടലിനു വേണ്ടി ദുല്‍ഖറിന്റെ നൃത്തച്ചുവടുകള്‍. ദുല്‍ഖറിനെ നായകനാക്കി അന്‍വര്‍ റഷീദ് സംവിധാനം ചെയ്ത ഉസ്താദ് ഹോട്ടലിന്റെ പ്രമോഷനുവേണ്ടിയാണ് ദുല്‍ഖര്‍ തന്റെ നൃത്തപാടവം തെളിയിച്ചിരിക്കുന്നത്.
ചിത്രത്തിലെ ഗാനത്തിനൊപ്പമാണ് ദുല്‍ഖര്‍ ചുവടുവയ്ക്കുന്നത്. അഞ്ജലീമേനോന്റെ തിരക്കഥയില്‍ ലിസ്റ്റിന്‍ സ്റ്റീഫന്‍ നിര്‍മ്മിച്ച ഉസ്താദ് ഹോട്ടല്‍ മികച്ച പ്രേക്ഷകാഭിപ്രായം നേടി മുന്നേറിക്കൊണ്ടിരിക്കുന്നതിനിടയിലാണ് നൃത്തച്ചുവടുമായി ദുല്‍ഖറിന്റെ വരവ്.
സെക്കന്റ് ഷോയ്ക്ക് ശേഷം ദുല്‍ഖര്‍ നായകനാകുന്ന ചിത്രമാണ് ഉസ്താദ് ഹോട്ടല്‍. നിത്യാ മേനോനാണ് ചിത്രത്തിലെ നായിക.
കരീംക്ക എന്ന ഉപ്പാപ്പയും കൊച്ചുമകന്‍ ഫൈസിയും തമ്മിലുള്ള അസാധാരണമായ ഒരടുപ്പമാണ് ചിത്രത്തിന്റെ കാതല്‍. ഫൈസിയെ അവതരിപ്പിക്കുന്നത് ദുല്‍ഖര്‍ സല്‍മാനാണ്. കരീംക്കയായി തിലകനെത്തുന്നു. ഇതോടൊപ്പം മനോഹരമായ ഒരു പ്രണയകഥയും ചിത്രത്തെ സജീവമാക്കുന്നു. നിത്യാമേനോന്‍ ആണ് ദുല്‍ഖറിന്റെ നായിക. സിദ്ദിഖ്, മണിയന്‍പിള്ള രാജു, ഭഗത്, മാമുക്കോയ, ബിനു, ജോസഫ്, കുഞ്ചന്‍, പ്രേംപ്രകാശ്, ലെന തുടങ്ങിയവരും ചിത്രത്തിലുണ്ട്.