ആ നടന്റെ ഡബ്ബിംഗ് ശൈലി കണ്ട് ഞാന്‍ അത്ഭുതപ്പെട്ടുപോയി; തുറന്നുപറഞ്ഞ് ഡബ്ബിംഗ് ആര്‍ട്ടിസ്റ്റ് മീന നെവില്‍
എന്റര്‍ടെയിന്‍മെന്റ് ഡെസ്‌ക്
Monday, 19th July 2021, 12:51 pm
കൊച്ചി: ഒരുകാലത്ത് മലയാള സിനിമയിലെ എല്ലാ നടിമാര്‍ക്കും ശബ്ദം നല്‍കി ശ്രദ്ധേയയായ ഡബ്ബിംഗ് ആര്‍ട്ടിസ്റ്റാണ് മീന നെവില്‍. തന്നെ അത്ഭുതപ്പെടുത്തിയ ഡബ്ബിംഗ് ശൈലിയായിരുന്നു നിത്യഹരിത നടന്‍ പ്രേം നസീറിന്റേതെന്ന് പറയുകയാണ് മീന.
മാസ്റ്റര്‍ബിന്‍ യൂട്യൂബ് ചാനലിന് നല്‍കിയ അഭിമുഖത്തിലാണ് മീന മനസ്സുതുറന്നത്. മമ്മൂട്ടി, മോഹന്‍ലാല്‍ എന്നിവരോടൊപ്പവും താന്‍ ഡബ്ബ് ചെയ്തിട്ടുണ്ടെന്നും മീന പറഞ്ഞു.
‘നസീര്‍ സാറിന്റേതായിരുന്നു എന്നെ അതിയശപ്പെടുത്തിയ ഡബ്ബിംഗ്. വീണ്ടും ചലിക്കുന്ന ചക്രം ഡബ്ബ് ചെയ്യാനായി പോകുമ്പോള്‍ നസീര്‍ സാര്‍ ഡബ്ബ് ചെയ്തുകൊണ്ടിരിക്കുകയായിരുന്നു.
തരംഗിണി സ്റ്റുഡിയോയിലായിരുന്നു. സ്‌ക്രീനില്‍ നോക്കിയല്ല നസീര്‍ സാര്‍ ഡബ്ബ് ചെയ്യുന്നത്. അദ്ദേഹം സ്‌ക്രിപ്റ്റ് നോക്കിയാണ് ഡബ്ബ് ചെയ്തിരുന്നത്. എനിക്ക് ഭയങ്കര അതിയശമായി പോയി.
