ജീവനക്കാരുടെ സന്തോഷം മുഖ്യം; ദുബായില്‍ ആഗസ്റ്റ് 16 മുതല്‍ സര്‍ക്കാര്‍വകുപ്പില്‍ ജോലി സമയത്തില്‍ അയവ്
ഡൂള്‍ന്യൂസ് ഡെസ്‌ക്
Sunday, 9th August 2020, 8:18 am
ദുബായ്: ആഗസ്റ്റ് 16 മുതല്‍ എല്ലാ സര്‍ക്കാര്‍ വകുപ്പുകളിലും ജോലി സമയത്തില്‍ അയവ് വരുത്തുമെന്ന് ദുബായ് സര്‍ക്കാറിന്റെ മാനവ വിഭവശേഷി വകുപ്പ് (ഡി.ജി.എച്ച്.ആര്‍) ശനിയാഴ്ച പ്രഖ്യാപിച്ചു.
ജീവനക്കാരുടെ ഉല്‍പാദനക്ഷമത വര്‍ദ്ധിപ്പിക്കാനും അവരുടെ സന്തോഷം വര്‍ദ്ധിപ്പിക്കാനുമാണ് പുതിയ നീക്കം.
ദുബായ് എക്‌സിക്യൂട്ടീവ് കൗണ്‍സിലിന്റെ സ്ട്രാറ്റജിക് അഫയേഴ്‌സ് കൗണ്‍സിലിന്റെ നിര്‍ദ്ദേശങ്ങളാണ് ആഗസ്റ്റ് 16 മുതല്‍ നടപ്പിലാക്കുന്നത്.
സര്‍ക്കാര്‍ പുറത്തിറക്കിയ സര്‍ക്കുലറില്‍, രാവിലെ 6:30 മുതല്‍ രാവിലെ 8:30 വരെ ആരംഭിക്കുന്ന ജോലി സമയത്തില്‍ സൗകര്യപ്രദമായ ജോലി സമയം ജീവനക്കാര്‍ക്ക് തെരഞ്ഞെടുക്കാം. എന്നാല്‍ സര്‍ക്കാര്‍ സ്ഥാപനം നിശ്ചയിച്ച പ്രകാരം ഔദ്യോഗിക ജോലി സമയം ജീവനക്കാര്‍ പൂര്‍ത്തിയാക്കണം.
