ആരാ ഈ ജോര്‍ജുകുട്ടി ? ദൃശ്യം 2 വില്‍ എസ്.ഐ ആയി ആന്റണി പെരുമ്പാവൂരും; ചിത്രം പുറത്ത്
എന്റര്‍ടെയിന്‍മെന്റ് ഡെസ്‌ക്
Sunday, 1st November 2020, 11:42 am
കൊച്ചി: ദൃശ്യം 2വിന്റെ ചിത്രീകരണം ആരംഭിച്ചതിന് പിന്നാലെ ചിത്രത്തിന്റെ കഥയേയും കഥാപാത്രങ്ങളെയും കുറിച്ചുള്ള ചര്‍ച്ചകള്‍ സജീവമാകുകയാണ്. രണ്ടാം ഭാഗത്തില്‍ ആദ്യ ഭാഗത്തിലെ കഥയുടെ തുടര്‍ച്ചയാകുമോ അതോ പുതിയ പ്രശ്‌നങ്ങളായിരിക്കുമോ ജോര്‍ജുകുട്ടിക്ക് നേരിടേണ്ടി വരിക എന്നെല്ലാം സാമൂഹ്യമാധ്യമങ്ങളില്‍ ചര്‍ച്ച ഉയരുന്നുണ്ട്.
ഷൂട്ടിംഗ് സെറ്റില്‍ നിന്നും പുറത്തുവരുന്ന ഓരോ ചിത്രങ്ങളും വലിയ ആഘോഷത്തോടെയാണ് ആരാധകര്‍ സ്വീകരിക്കുന്നത്. ദൃശ്യത്തിന്റെ രണ്ടാം ഭാഗത്തില്‍ നിര്‍മ്മാതാവ് ആന്റണി പെരുമ്പാവൂരിന് പ്രധാന റോളുണ്ടെന്നാണ് ഇപ്പോള്‍ പുറത്തുവരുന്ന വാര്‍ത്തകള്‍. ദൃശ്യത്തില്‍ സ്ഥലം മാറിയെത്തുന്ന പൊലീസുകാരനായി അവസാന ഭാഗത്ത് മാത്രം വന്ന ആന്റണി പെരുമ്പാവൂരിന് ദൃശ്യം 2വില്‍ മുഴുനീള റോളുണ്ടെന്നാണ് പുറത്തുവരുന്ന റിപ്പോര്‍ട്ടുകള്‍. എസ്.ഐ ആയാണ് ആന്റണി പെരുമ്പാവൂരെത്തുന്നത്.
