തിരുവനന്തപുരം: ആരോഗ്യ, ആയുഷ് വകുപ്പുകളെ ഇത്ര സജീവമായി,ഊര്‍ജ്ജസ്വലമായി, ക്രിയാത്മകമായി, പ്രോഗ്രസീവ് ആയി, എഫിഷ്യന്റ് ആയി നയിച്ചിട്ടുള്ള മറ്റൊരു വകുപ്പ് മന്ത്രി ഉണ്ടായിട്ടില്ലെന്ന് സംവിധായകന്‍ ഡോ.ബിജു. കോണ്‍ഗ്രസ് അദ്ധ്യക്ഷന്‍ മുല്ലപ്പള്ളി രാമചന്ദ്രന്റെ പരാമര്‍ശത്തിന്റെ പശ്ചാത്തലത്തിലാണ് സര്‍ക്കാര്‍ സര്‍വ്വീസില്‍ ഹോമിയോ ഡോക്ടറായി ജോലി ചെയ്യുന്ന ഡോ.ബിജുവിന്റെ ആരോഗ്യ മന്ത്രി കെ.കെ ശൈലജയെ കുറിച്ചുള്ള പ്രതികരണം.
ശൈലജ ടീച്ചര്‍ മന്ത്രി ആയിരിക്കുന്ന വകുപ്പിലാണ് ജോലി ചെയ്യുന്നത് എന്നതില്‍ ഏറെ അഭിമാനം. ഞങ്ങളെ സംബന്ധിച്ചിടത്തോളം ടീച്ചര്‍ ഒരു റോക്ക് സ്റ്റാര്‍ തന്നെയാണെന്നും ഡോ. ബിജു പറഞ്ഞു.
ടീച്ചര്‍ യു ആര്‍ റോക്കിംഗ് എന്ന് പറഞ്ഞാണ് ഡോ. ബിജു തന്റെ ഫേസ്ബുക്ക് പോസ്റ്റ് അവസാനിപ്പിക്കുന്നത്. നിരവധി ചിത്രങ്ങളും ഫേസ്ബുക്ക് പോസ്റ്റിലുണ്ട്.
ലണ്ടന്‍ ഗാഡിയന്‍ എന്ന ഓണ്‍ലൈന്‍ മാധ്യമം റോക്ക് സ്റ്റാര്‍ എന്ന് ആരോഗ്യമന്ത്രിയെ വിശേഷിപ്പിച്ചതിനര്‍ത്ഥം റോക്ക് ഡാന്‍സര്‍ എന്നാണെന്നായിരുന്നു മുല്ലപ്പള്ളി പറഞ്ഞത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിനെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ