ഞങ്ങളെ സംബന്ധിച്ചിടത്തോളം ശൈലജടീച്ചര്‍ ഒരു റോക്ക് സ്റ്റാര്‍ തന്നെയാണ്, ഏറെ അഭിമാനം; ഡോ. ബിജു
ഡൂള്‍ന്യൂസ് ഡെസ്‌ക്
Sunday, 21st June 2020, 11:14 am
തിരുവനന്തപുരം: ആരോഗ്യ, ആയുഷ് വകുപ്പുകളെ ഇത്ര സജീവമായി,ഊര്‍ജ്ജസ്വലമായി, ക്രിയാത്മകമായി, പ്രോഗ്രസീവ് ആയി, എഫിഷ്യന്റ് ആയി നയിച്ചിട്ടുള്ള മറ്റൊരു വകുപ്പ് മന്ത്രി ഉണ്ടായിട്ടില്ലെന്ന് സംവിധായകന്‍ ഡോ.ബിജു. കോണ്‍ഗ്രസ് അദ്ധ്യക്ഷന്‍ മുല്ലപ്പള്ളി രാമചന്ദ്രന്റെ പരാമര്‍ശത്തിന്റെ പശ്ചാത്തലത്തിലാണ് സര്‍ക്കാര്‍ സര്‍വ്വീസില്‍ ഹോമിയോ ഡോക്ടറായി ജോലി ചെയ്യുന്ന ഡോ.ബിജുവിന്റെ ആരോഗ്യ മന്ത്രി കെ.കെ ശൈലജയെ കുറിച്ചുള്ള പ്രതികരണം.
ശൈലജ ടീച്ചര്‍ മന്ത്രി ആയിരിക്കുന്ന വകുപ്പിലാണ് ജോലി ചെയ്യുന്നത് എന്നതില്‍ ഏറെ അഭിമാനം. ഞങ്ങളെ സംബന്ധിച്ചിടത്തോളം ടീച്ചര്‍ ഒരു റോക്ക് സ്റ്റാര്‍ തന്നെയാണെന്നും ഡോ. ബിജു പറഞ്ഞു.
