സര്‍വേയില്‍ ബൈഡന്‍ മുന്നിലെങ്കില്‍ ഗൂഗിള്‍ തിരയുന്നത് ട്രംപിനെ
ഡൂള്‍ന്യൂസ് ഡെസ്‌ക്
Tuesday, 3rd November 2020, 7:01 pm
ന്യൂയോര്‍ക്ക്: അമേരിക്കന്‍ പ്രസിഡന്റ് തെരഞ്ഞെടുപ്പ് അവസാനിക്കാന്‍ മണിക്കൂറുകള്‍ മാത്രം അവശേഷിക്കെ സര്‍വേ ഫലങ്ങളിലെല്ലാം മുന്നില്‍ നില്‍ക്കുന്നത് ഡെമോക്രാറ്റ് സ്ഥാനാര്‍ത്ഥി ജോ ബൈഡനാണ്. ഇതിനിടയില്‍ ഗൂഗിള്‍ സെര്‍ച്ച് ഡാറ്റകള്‍ പ്രകാരം അമേരിക്കന്‍ വോട്ടര്‍മാര്‍ കൂടുതലായി തിരയുന്നത് റിപബ്ലിക്കന്‍ സ്ഥാനാര്‍ത്ഥി ഡൊണാള്‍ഡ് ട്രംപിനെയാണ്.
തെരഞ്ഞെടുപ്പിന്റെ തൊട്ടു മുന്‍പത്തെ ദിവസം പോലും ട്രംപിനായുള്ള ഗൂഗിള്‍ സെര്‍ച്ച് കൂടുകയും ബൈഡനായുള്ള തിരച്ചില്‍ കുറയുകയുമാണ് ചെയ്തത്. ഏകദേശ കണക്കുകള്‍ പ്രകാരം 45 ശതമാനം പേര്‍ ട്രംപിനെ ഗൂഗിളില്‍ തെരഞ്ഞിട്ടുണ്ട്. 23 ശതമാനം പേരാണ് ബൈഡനായാണ് ഗൂഗിള്‍ സെര്‍ച്ച് ചെയ്തത്.
